អគ្គលេខាធិការ​ UN ​បារម្ភ​ពី​ការចែក​ចាយ​វ៉ាក់សាំង​មិន​ស្មើភាព​គ្នា​

អគ្គលេខាធិការ​អង្គការសហប្រជាជាតិ​ ​លោក​ ​អាន់​តូ​នី​ញ៉ូ ហ្គូទែ​រ៉េ​ស​ (​Ant​on​i​o ​Gut​err​e​s) ​បាន​ ​សម្តែង​ការ​បារម្ភ​អំពី​ការចែក​ចាយ​វ៉ាក់សាំង​បង្ការ​ជំងឺ​កូ​វី​ដ​-​១​៩​ ​មិន​ស្មើភាព​គ្នា​ ​និង​មិន​យុត្តិធម៌​ ​នៅ​លើ​ពិភពលោក​ ​។​

​លោក​ ​អាន់​តូ​នី​ញ៉ូ ហ្គូទែ​រ៉េ​ស​ ​ថា​ប្រទេស​ចំនួន​ ​១​០​ ​នៅ​លើ​ពិភពលោក​បាន​ប្រើប្រាស់​ ​វ៉ាក់សាំង​កូ​វី​ដ​-​១​៩​ ​ដល់ទៅ​​​ជាង​ ​៧​៥​% ​នៃ​វ៉ាក់សាំង​ដែល​ផលិត​បាន​សរុប​នៅ​លើ​ពិភពលោក​ ​ទៅ​ហើយ​ ​។​

​លោក​ ហ្គូទែ​រ៉េ​ស​ ​ថ្លែង​បែប​នេះ​ ​នៅ​ក្នុង​កិច្ចប្រជុំ​ ​នៃ​ក្រុមប្រឹក្សាសន្តិសុខ​អង្គការ​សហ​ប្រជា​ ​ជាតិ​ ​កាលពី​ថ្ងៃពុធ​ ​ទី​១​៧​ ​ខែកុម្ភៈ​ ​។​ ​លោក​បាន​បញ្ជាក់​ថា​ ​រហូតដល់​ពេលនេះ​ ​មាន​ប្រទេស​ ​ចំនួន​ ​១​៣​០​ ​នៅ​លើ​ពិភពលោក​ដែល​នៅ​មិនទាន់​ទទួល​បាន​វ៉ាក់សាំង​ជំងឺ​កូ​វី​ដ​-​១​៩​ ​សូម្បីតែ​ ​មួយ​ដូ​ស​ ​។​

​បច្ចុប្បន្ន​អង្គការសុខភាព​ពិភពលោក​ទើប​ប្រកាស​ទទួលស្គាល់​វ៉ាក់សាំង​បង្ការ​ជំងឺ​កូ​វី​ដ​-​១​៩​ ​តែ​ ​២​ ​ប្រភេទ​ប៉ុណ្ណោះ​ ​គឺ​ ​P​f​i​z​e​r-B​ioN​T​e​c​h​ ​របស់​អាមេរិក​និង​អាល្លឺម៉ង់​ ​និង​ ​As​t​r​a​ ​Z​e​n​e​ca​ ​ផលិត​ ​ដោយ​ចក្រភពអង់គ្លេស​ ​។​

​សារ​ព័ត៌មាន​ ​A​l​j​a​z​e​era​ ​បាន​ស្រង់​សម្តី​លោក​ ហ្គូទែ​រ៉េ​ស​ ​ដែល​បាន​ថ្លែង​ថា​ ​៖​ ​«​នៅ​ក្នុង​គ្រា​ដ៏​ ​លំបាក​នេះ​ ​ការចែក​ចាយ​វ៉ាក់សាំង​ប្រកបដោយ​សមធម៌​ ​គឺជា​ការ​ធ្វើ​តេ​ស្ត​ខាង​សីលធម៌​ ​ដ៏​ធំបំផុត​របស់​សហគមន៍​នៅ​លើ​ពិភពលោក​»​ ​។​

​លោក​ ហ្គូទែ​រ៉េ​ស​ ​ក៏បាន​អំពាវនាវ​ឱ្យ​មាន​ផែនការ​ចាក់​វ៉ាក់សាំង​សកល​ជាបន្ទាន់​ដើម្បី​ធានា​ ​ការចែក​ចាយ​វ៉ាក់សាំង​ដោយ​យុត្តិធម៌​ ​ក្នុង​នោះ​រួម​មាន​ទាំង​អ្នកវិទ្យាសាស្ត្រ​ ​អ្នក​ផលិត​វ៉ាក់សាំង​ ​និង​អ្នក​ដែល​អាច​ផ្តល់​ថវិកា​ដល់​កិច្ច​ខិតខំ​ប្រឹងប្រែង​នេះ​ ​ដើម្បី​ធានា​ថា​ប្រជាជន​ទាំងអស់​នៅ​ ​ក្នុង​ប្រទេស​ទាំងអស់​ទទួល​បានការ​ព្យាបាល​ឱ្យ​បាន​ឆាប់​ ​។​

​លោក​សង្ឃឹម​ថា​ ​ប្រទេស​អ្នកមាន​នៅ​លើ​ពិភពលោក​ ​រួម​មាន​ប្រទេស​នៅ​ក្នុង​ក្រុម​ ​G​7 ​និង​ ​G​20 ​អាច​ចូលរួម​ស្វែងរក​ដំណោះស្រាយ​ចំពោះ​បញ្ហា​នេះ​បាន​ ​។​

​គិត​ត្រឹម​ថ្ងៃ​ទី​១​៨​ ​ខែកុម្ភៈ​ ​ពិភពលោក​​​មាន​អ្នក​ឆ្លង​ជំងឺ​កូ​វី​ដ​-​១​៩​ ​ប្រមាណ​ ​១​១​០​ ​លាន​នាក់​ ​និង​ ​សម្លាប់​ជីវិត​មនុស្ស​ប្រមាណ​ ​២​ ​លាន​ ​៤​ ​សែន​នាក់​ ​៕​