កម្ពុជា
ក្រសួងវប្បធម៌ប្រកាសបិទដំណើរការរោងសម្តែងសិល្បៈ និងសារមន្ទីររយៈពេល ២ សប្តាហ៍
ក្រសួងវប្បធម៌ និងវិចិត្រសិល្បៈ ប្រកាសនៅថ្ងៃទី២៣ ខែកុម្ភៈ បិទដំណើរការជាបណ្តោះ អាសន្នរយៈពេល ២ សប្តាហ៍ រោងភាពយន្ត រោងសម្តែងសិល្បៈ និងសារមន្ទីរ នៅក្នុងរាជធានី ភ្នំពេញ និងខេត្តកណ្តាល ។
ក្រសួងវប្បធម៌ និងវិចិត្រសិល្បៈ បានបញ្ជាក់នៅក្នុងសេចក្តីជូនដំណឹងរបស់ខ្លួនថា ការបិទជា បណ្តោះអាសន្ននេះ គឺមានបំណងចូលរួមទប់ស្កាត់ការចម្លងរីករាលដាលជំងឺកូវីដ-១៩ ក្នុងសហគមន៍ ។
ដោយឡែក កម្មវិធីមួយចំនួនរបស់លោកនាយករដ្ឋមន្រ្តី ហ៊ុន សែន នៅក្នុងសប្តាហ៍នេះ ក៏ត្រូវ បានលុបចោលផងដែរ ដោយសារតែការចម្លងជំងឺកូវីដ-១៩ នៅក្នុងសហគមន៍ ៕
