សាកសព​ទារក​ចំនួន​ ​១​.​៣​០​០​ ​ត្រូវ​បាន​ប៉ូលីស​វៀតណាម​ ​រក​ឃើញ​ក្នុង​ផ្ទះ​ជួល​ នៅ​ក្រុង​ហាណូយ​

សមត្ថកិច្ច​វៀតណាម​នៅ​ទីក្រុង​ហាណូយ​កំពុង​បើក​ការស៊ើបអង្កេត​ចំពោះ​ការ​រក​ឃើញ​សាកសព​ទារក​ចំនួន​ ​១​.​៣​០​០​ ​នាក់​ដែល​ត្រូវ​បាន​រក្សាទុក​ក្នុង​ទូ​ត្រជាក់​នៅផ្ទះ​ជួល​មួយ​កន្លែង​ ​ក្នុង​ ​ខណ្ឌ​ហា​ដុ​ង​ ​នៃ​ទីក្រុង​ហាណូយ​ ​។​

​សាកសព​ទារក​ទាំងអស់​នោះ​ត្រូវ​បាន​រក​ឃើញ​ក្នុង​អំឡុង​ពេល​ចុះ​ឆែកឆេរ​របស់​សមត្ថកិច្ច​ ​ក្រោយ​ពី​ពួកគេ​ទទួល​បាន​សេចក្តីរាយការណ៍​ពី​ប្រជាពលរដ្ឋ​ដែល​រស់​នៅក្បែរ​នោះ​ ​។​ ​នេះ​បើ​ ​តាម​ការផ្សាយ​របស់​សារ​ព័ត៌មាន​វៀតណាម​ឈ្មោះ​ ​ទូ​យ​ត្រែ​ (​T​uo​i​ ​T​r​e​) ​នៅ​ថ្ងៃ​ទី​៣​០​ ​ខែ​ឧសភា​ ​។​

​ពលរដ្ឋ​បាន​រាយការណ៍​ប្រាប់​សមត្ថកិច្ច​ថា​ ​ពួកគេ​បានឃើញ​មនុស្ស​វ័យក្មេង​ពី​ ​៥​ ​ទៅ​ ​៦​ ​នាក់​ ​តែង​យក​សាកសព​ចូល​ទៅ​ក្នុង​ផ្ទះ​របស់​ ​ហើយ​រក្សាទុក​សាកសព​ទាំងអស់​នោះ​នៅ​ក្នុង​ទូ​ ​ត្រជាក់​ ​។​

​សមត្ថកិច្ច​បាន​សួរ​ចំ​លើ​យ​មនុស្ស​ពាក់ព័ន្ធ​ទាំងអស់​នោះ​ ​ហើយ​លទ្ធផល​បឋម​បង្ហាញ​ថា​ ​វា​ហាក់ដូចជា​មិន​មាន​ពាក់ព័ន្ធ​ទៅ​នឹង​ករណី​ឧក្រិដ្ឋកម្ម​អ្វី​នោះ​ទេ​ ​។​ ​សមត្ថកិច្ច​និយាយ​ថា​ ​យុវជន​ទាំងអស់​នោះ​ ​តែង​ប្រមូល​សាកសព​មកពី​មន្ទីរ​គ្លី​និ​ក​ឯកជន​ ​និង​មន្ទីរពេទ្យ​នៅ​ក្នុង​ ​ទីក្រុង​ហាណូយ​ ​ដើម្បី​យកទៅ​កប់​ដែល​ជា​ផ្នែក​មួយ​នៃ​ការងារ​មនុស្សធម៌​របស់​ពួកគេ​ ​។​

​យុវជន​ទាំងអស់​នោះ​ ​បាន​ប្រាប់​សមត្ថកិច្ច​ថា​ ​ពួកគេ​រក្សាទុក​សាកសព​ទាំងអស់​នោះ​នៅ​ក្នុង​ ​ផ្ទះ​ជា​បណ្តោះអាសន្ន​ប៉ុណ្ណោះ​ ​បន្ទាប់មក​ត្រូវ​ដឹកជញ្ជូន​យក​ទៅកាន់​កន្លែង​កប់ខ្មោច​ដែល​នៅ​ ​ឆ្ងាយ​ពី​ទីក្រុង​ ​។​

​សមត្ថកិច្ច​វៀតណាម​បញ្ជាក់​ថា​ ​ពួកគេ​កំពុង​ពិចារណា​បញ្ហា​មួយ​ចំនួន​ពាក់ព័ន្ធ​នឹង​ការ​រក្សាទុក​ ​សាកសព​ទារក​ទាំងអស់​នោះ​ ​។​ ​ពួកគេ​ថា​ ​ប្រសិនបើ​ការ​ប្រមូល​យក​ ​និង​ការ​រក្សាទុក​សាក​ ​សព​ទាំងអស់​នោះ​ ​ត្រូវ​បាន​រក​ឃើញ​ថា​បង្ក​ឱ្យ​មាន​បញ្ហា​ប៉ះពាល់​ដល់​បរិស្ថាន​ ​ទីភ្នាក់ងារ​ ​ពាក់ព័ន្ធ​នឹង​ត្រូវ​ទទួលបន្ទុក​ចាត់ចែង​ការងារ​នេះ​ ​។​

​ទោះជាយ៉ាងណាក៏ដោយ​ ​សមត្ថកិច្ច​វៀតណាម​ថា​ ​ការស៊ើបអង្កេត​បន្ថែម​ទៀត​កំពុងតែ​បន្ត​ ​៕​