អាស៊ាន
យោធាមីយ៉ាន់ម៉ាបានចាប់ខ្លួនបាតុករជិត ៣០ នាក់
របបយោធានៅក្នុងប្រទេសមីយ៉ាន់ម៉ានៅថ្ងៃអង្គារ ទី៩ ខែកុម្ភៈ នេះបានចាប់ខ្លួនបាតុករជិត ៣០ នាក់នៅក្នុងការប្រមូលផ្តុំតវ៉ាទាមទារឱ្យដោះលែងអ្នកស្រី អ៊ុងសាន ស៊ូជី និងអ្នកទោស នយោបាយមកពីគណបក្សសម្ព័ន្ធដើម្បីលទ្ធិប្រជាធិបតេយ្យរបស់អ្នកស្រី ។
Protesters march towards the direction of Sule Pagoda in Yangon, Myanmar on Sunday, Feb. 7, 2021. Thousands of people rallied against the military takeover in Myanmar’s biggest city on Sunday and demanded the release of Aung San Suu Kyi, whose elected government was toppled by the army that also imposed an internet blackout. (AP Photo)
(ASSOCIATED PRESS)
បាតុករដែលគាំទ្រអ្នកស្រី អ៊ុងសាន ស៊ូជី បានចុះផ្លូវប្រមូលផ្តុំគ្នាធ្វើបាតុកម្មចាប់ពីថ្ងៃទី៦ ខែកុម្ភៈ ។ បាតុកម្មនៅ ២ ថ្ងៃដំបូង របបយោធាមិនបានធ្វើការបំបែកនោះទេ ទើបនៅថ្ងៃទី៨ និងថ្ងៃទី៩ នេះដែលពួកយោធាបានប្រើកាណុងបាញ់ទឹកបាញ់ទៅលើហ្វូងបាតុករ និងឈាន ដល់ការចាប់ខ្លួននៅថ្ងៃនេះ ។
មុននេះបន្តិច របបយោធាភូមាក៏បានប្រកាសប្រើច្បាប់អាជ្ញាសឹកនិងព្រមានប្រើកម្លាំងបាយ ទៅលើក្រុមបាតុករផងដែរ ។ ទោះជាយ៉ាងណា ក្រុមអ្នកគាំទ្រអ្នកស្រី អ៊ុងសាន ស៊ូជី មិនបាន ញញើតឡើយ ហើយនៅតែនាំគ្នាចុះថ្នល់ប្រមូលផ្តុំការតវ៉ាដដែល ។
គណបក្សសម្ព័ន្ធដើម្បីលទ្ធិប្រជាធិបតេយ្យរបស់អ្នកស្រី អ៊ុងសាន ស៊ូជី បានឈ្នះឆ្នោតភ្លូកទឹក ភ្លូកដីជាលើកទី២កាលពីខែវិច្ឆិកា ឆ្នាំ២០២០ ដើម្បីដឹកនាំប្រទេសក្នុងរយៈពេល ៥ ឆ្នាំបន្តទៀត ។ ប៉ុន្តែក្រុមយោធាមិនទទូលស្គាល់លទ្ធផលបោះឆ្នោតដោយចោទប្រកាន់ថាមានការក្លែងបន្លំ រួចក៏ឈានទៅដល់ការធ្វើរដ្ឋប្រហារ និងចាប់ឃុំខ្លួនអ្នកស្រី អ៊ុងសាន ស៊ូជី និងមនុស្សជាង ១០០ នាក់ផ្សេងទៀតដែលជាមន្រ្តីរបស់គណបក្ស NLD ។
តាមរយៈវីដេអូដែលគេបង្ហោះនៅបណ្តាញសង្គមហ្វេសប៊ុកបង្ហាញថា ប៉ូលីសមីយ៉ាន់ម៉ាបាន ប្រើកាណុងបាញ់ទឹកទៅលើហ្វូងបាតុករនៅក្នុងទីយ៉ាងហ្គោន និងណៃពិដរ ដោយសារតែ ក្រុមបាតុករមិនព្រមបំបែកការប្រមូលផ្តុំ និងបានចាប់ខ្លួនបាតុករចំនួន ២៧ នាក់នៅក្នុងទីក្រុង ម៉ានដាឡាយ ។
សារព័ត៌មាន CNA រាយការណ៍ថា ក្នុងចំណោមអ្នកត្រូវបានចាប់ខ្លួន រួមមាន ទាំងអ្នកកាសែត និងមន្រ្តីនៃអង្គការសារព័ត៌មានក្នុងស្រុកផងដែរ ។ បាតុករដែលប្រមូលផ្តុំបានលើកប៉ាដាតវ៉ានិងបានសរសេរថា «យើងត្រូវការមេដឹកនាំរបស់ យើង» និង «គ្មានរបបផ្តាច់ការ» ជាដើម ៕
