Uncategorized
ឯកអគ្គរដ្ឋទូតសហរដ្ឋអាមេរិក កោតសរសើរទឹកដមសំនៀងលោក ស៊ីន ស៊ីសាមុត
នៅក្នុងកិច្ចសន្ទនាជាមួយចៅស្រីរបស់អតីតអ្នកចំរៀង ដែលពលរដ្ឋខ្មែរចាត់ទុកថាជា អធិរាជសំឡេងមាស គឺលោក ស៊ីន ស៊ីសាមុត លោក W. Patrick Murphy ឯកអគ្គរដ្ឋទូត សហរដ្ឋអាមេរិកប្រចាំកម្ពុជា បានឱ្យដឹងថា រូបលោកក៏ស្តាប់បទចំរៀងរបស់លោក ស៊ីន ស៊ីសាមុត ដែរ ។
សេចក្តីប្រកាសព័ត៌មានរបស់ស្ថានទូតសហរដ្ឋអាមេរិកប្រចាំកម្ពុជាផ្សព្វផ្សាយនៅថ្ងៃទី ១១ ខែកុម្ភៈ ឱ្យដឹងថា នៅក្នុងកិច្ចសន្ទនារយៈពេល ២០ នាទី ជាមួយចៅស្រីបង្កើតរបស់លោក ស៊ីន ស៊ីសាមុត គឺកញ្ញា ស៊ីន សេដ្ឋសុជ្ឈតា លោកឯកអគ្គរដ្ឋទូតបានភ្ញាក់ផ្អើលដោយដឹងថា លោក ស៊ីន ស៊ីសាមុត នៅតែទទួលបានការស្រឡាញ់ពេញនិយមស្តាប់ចំរៀងលោកនៅ ទូទាំងប្រទេសកម្ពុជា ទោះបីលោកបានបាត់បង់ជីវិតអស់រយៈពេលជាយូរមកហើយក្តី ។
លោក W. Patrick Murphy មានប្រសាសន៍ថា លោកស្តាប់ចំរៀងរបស់លោក ស៊ីន ស៊ីសាមុត តាមស្ថានីយ៍វិទ្យុខ្លះ បានឃើញរូបលោក ស៊ីន ស៊ីសាមុត ដាក់តាំងនៅតាមភោជនីយដ្ឋាន និងសណ្ឋាគារប្រណីតមួយចំនួន ហើយថារហូតដល់សព្វថ្ងៃនេះ ចំរៀងរបស់លោក ស៊ីន ស៊ី សាមុត នៅតែពិរោះរណ្តំចិត្តរបស់មនុស្សចាស់ ក្មេង ។
ចំណែកកញ្ញា ស៊ីន សេដ្ឋសុជ្ឈតា បាននិយាយថា នាងមិនដែលបានឃើញជីតារបស់នាង ផ្ទាល់ទេ តែនាងបានដឹង ឮរឿងរ៉ាវរបស់លោក ស៊ីន ស៊ីសាមុត តាមជីដូនបង្កើតនាងដែលរស់ នៅខេត្តស្ទឹងត្រែង ។កញ្ញា សុជ្ឈតា ក៏បានសម្តែងការស្ញប់ស្ញែងចំពោះស្នាដៃតែងនិពន្ធរបស់ជីតានាង ។
សម្រាប់កិច្ចសន្ទនាទាំងស្រុងរវាងលោក W. Patrick Murphy ជាមួយចៅស្រីបង្កើតរបស់លោក ស៊ីន ស៊ីសាមុត លោកអ្នកអាចចូលទស្សនាតាមតំណភ្ជាប់ (Link) ខាងក្រោមនេះ ៖
ឯកអគ្គរដ្ឋទូតសហរដ្ឋអាមេរិក កោតសរសើរទឹកដមសំនៀងលោក ស៊ីន ស៊ីសាមុត
