កម្ពុជា
កម្ពុជាបណ្តេញអ្នកកាសែតជនជាតិចិន ចេញពីប្រទេស ក្រោយផ្សាយថា កម្ពុជាលក់វ៉ាក់សាំងជាជំនួយរបស់ចិន
ក្រសួងមហាផ្ទៃកម្ពុជានៅថ្ងៃទី២៥ ខែកុម្ភៈ នេះសម្រេចបណ្តេញអ្នកកាសែតដែលជាជនជាតិ ចិនចេញពីប្រទេសកម្ពុជាក្រោយពីអ្នកកាសែតរូបនោះបានផ្សព្វផ្សាយថាកម្ពុជាលក់វ៉ាក់សាំង បង្ការជំងឺកូវីដ-១៩ ដែលជាជំនួយរបស់ចិនក្នុងតម្លៃ ១២០ ដុល្លារ ។
សេចក្តីប្រកាសរបស់ក្រសួងមហាផ្ទៃដែលមានចុះហត្ថលេខាដោយលោក ស ខេង រដ្ឋមន្រ្តីក្រ សួងមហាផ្ទៃ បញ្ជាក់ថា បណ្តេញចេញពីព្រះរាជាណាចក្រកម្ពុជាចំពោះជនបរទេសឈ្មោះ Shen Kaidong ភេទប្រុស ជនជាតិចិន សញ្ជាតិចិន ពាក់ព័ន្ធបទល្មើសប្រព្រឹត្តនៅព្រះរាជាណា ចក្រកម្ពុជា ទៅប្រទេសដើមវិញ និងហាមឃាត់ចូលព្រះរាជាណាចក្រកម្ពុជាជាថ្មី ។
សេចក្តីប្រកាសដដែល លើកឡើងថា អគ្គនាយកដ្ឋានអន្តោប្រវេសន៍មានភារកិច្ចបណ្តេញជន បរទេសរូបនេះ ចេញពីប្រទេសកម្ពុជាក្នុងរយៈពេល ៧ ថ្ងៃយ៉ាងយូរគិតចាប់ពីថ្ងៃចេញសេចក្តី ប្រកាសនេះ ។
ក្នុងពេលជាមួយគ្នា ក្រសួងព័ត៌មានក៏បានចេញសេចក្តីប្រកាស សម្រេចលុបចោលអាជ្ញាបណ្ណ របស់ក្រសួងព័ត៌មានដែលអនុញ្ញាតិឱ្យលោក អ៊ុង គង្គា បើកដំណើរការធ្វើអាជីវកម្មកាសែត អង្គរធូដេ (Angkor Today) ។
ក្រសួងព័ត៌មានអះអាងថា ម្ចាស់អាជ្ញាបណ្ណបានផ្សព្វផ្សាយព័ត៌មានបំភ្លៃការពិត មានចេតនា ទុច្ចរិតធ្វើឱ្យអន្តរាយដល់សុខភាពសាធារណៈ បង្កភាពច្របូកច្របល់ ចលាចលនៅក្នុងសង្គម ដែលធ្វើឱ្យប៉ះពាល់ដល់សន្តិសុខជាតិ និងប៉ះពាល់ដល់កិត្យានុភាពរបស់រដ្ឋាភិបាលកម្ពុជា ដែលជាការបំពានយ៉ាងធ្ងន់ធ្ងរលើវិជ្ជាជីវៈ និងកិច្ចសន្យាដែលសាមីខ្លួនបានតម្កល់ទុកនៅក្រ សួងព័ត៌មាន ។
សូមបញ្ជាក់ថា អ្នកកាសែតជនជាតិចិន លោក Shen Kaidong ត្រូវបានសមត្ថកិច្ចខេត្តសៀម រាបចាប់ឃាត់ខ្លួនកាលពីថ្ងៃទី២៤ ខែកុម្ភៈ ៕
