កូរ៉េ​ខាងជើង​ថា​ ផ្តាច់​ទំនាក់ទំនង​ការទូត​ជាមួយ​ម៉ាឡេស៊ី​ ​និង​គំរាម​អាមេរិក​ រឿង​ធ្វើ​បត្យាប័ន​ជនជាតិ​ខ្លួន​ ទៅ​ឱ្យ​អាមេរិក​

​កូរ៉េ​ខាងជើង​ថា​នឹង​កាត់ផ្តាច់​ទំនាក់ទំនង​ការទូត​ជាមួយ​ប្រទេស​ម៉ាឡេស៊ី​បន្ទាប់ពី​តុលាការ​នៅ​ ​ក្នុង​ប្រទេស​អា​ស៊ាន​មួយ​នេះ​បាន​ធ្វើ​សេចក្តី​សម្រេច​ថា​ ​ពលរដ្ឋ​កូរ៉េ​ខាងជើង​ម្នាក់​អាច​នឹង​ត្រូវ​ ​ធ្វើ​បត្យាប័ន​ ​ឬ​បញ្ជូន​ទៅកាន់​សហរដ្ឋអាមេរិក​ដើម្បី​ប្រឈមមុខនឹង​ការចោទប្រកាន់​ពី​បទ​លាង​ ​លុយ​កខ្វក់​នៅ​ទីនោះ​ ​។​ ​នេះ​បើ​តាម​ការផ្សាយ​របស់​ទីភ្នាក់ងារ​សារ​ព័ត៌មាន​រដ្ឋ​កូរ៉េ​ខាងជើង​ (KCN​A​) ​និង​ត្រូវ​បាន​ផ្សាយ​បន្ត​ដោយ​ ​A​l​j​a​z​e​era​ ​នៅ​ថ្ងៃ​ទី​១​៩​ ​ខែ​មីនា​ ​នេះ​ ​។​

A car goes out of the North Korean Embassy in Kuala Lumpur, Malaysia, Friday, March 19, 2021. North Korea on Friday said it was cutting diplomatic ties with Malaysia to protest a recent court ruling that allows a North Korean citizen to be extradited to the United States to face money laundering charges. (AP Photo/Vincent Thian) The Associated Press

​នៅ​ក្នុង​សេចក្តីថ្លែង​ការណ៍​របស់​ខ្លួន​ដែល​ផ្សាយ​ដោយ​ KCN​A​ ​ក្រសួងការបរទេស​កូរ៉េ​ខាងជើង​ ​ក៏បាន​ព្រមាន​ទីក្រុង​វ៉ា​ស៊ី​ន​តុ​ន​ថា​ ​សហរដ្ឋអាមេរិក​ ​នឹង​បង់ថ្លៃ​ចំពោះ​រឿង​នេះ​ ​។​

​សេចក្តីថ្លែង​ការណ៍​របស់​កូរ៉េ​ខាងជើង​មិនបាន​បញ្ជាក់​ឈ្មោះ​ពលរដ្ឋ​ខ្លួន​ដែល​ត្រូវ​ម៉ាឡេស៊ី​ធ្វើ​ ​បត្យាប័ន​នោះ​ទេ​ ​ប៉ុន្តែ​គេ​ដឹង​ថា​កាលពីដើម​ខែ​មីនា​នេះ​ ​តុលាការ​នៅ​ម៉ាឡេស៊ី​បាន​ឱ្យ​ដឹង​ថា​ ​បុរស​ជនជាតិ​កូរ៉េ​ខាងជើង​ឈ្មោះ​ ​Mun​ C​h​o​l​ ​M​yon​g​ ​អាច​ត្រូវ​បាន​ធ្វើ​បត្យាប័ន​ ​។​

​នៅ​មិនទាន់​ឃើញ​មានការ​ឆ្លើយតប​បែប​ណា​ពី​រដ្ឋាភិបាល​ម៉ាឡេស៊ី​ចំពោះ​ការព្រមាន​របស់​កូរ៉េ​ ​ខាងជើង​នៅ​ពេលនេះ​នៅឡើយ​ទេ​ ​។​

​លោក​ ​Mun​ C​h​o​l​ ​M​yon​g​ ​បាន​រស់នៅ​ក្នុង​ប្រទេស​ម៉ាឡេស៊ី​រយៈពេល​ ​១​០​ ​ឆ្នាំ​ហើយ​ ​។​ ​លោក​ ​ត្រូវ​បាន​អាជ្ញាធរ​ម៉ាឡេស៊ី​ចាប់ខ្លួន​កាលពី​ខែ​ឧសភា​ ​ឆ្នាំ​២​០​១​៩​ ​បន្ទាប់ពី​អាជ្ញាធរ​អាមេរិក​ស្នើ​ ឱ្យ​ធ្វើ​បត្យាប័ន​រូបលោក​ទៅកាន់​ទឹកដី​អាមេរិក​ ​។​

​ប៉ុន្តែ​លោក​ ​Mun​ C​h​o​l​ ​M​yon​g​ ​បាន​ច្រានចោល​ការចោទប្រកាន់​មក​លើ​រូបលោក​ដោយ​ ​រដ្ឋាភិបាល​អាមេរិក​ដែល​ថា​លោក​បាន​បញ្ជូន​ទំនិញ​ប្រណីត​ដែល​ហាមឃាត់​ពី​ប្រទេស​សឹង្ហ​បុរី​ទៅកាន់​កូរ៉េ​ខាងជើង​ប្រឆាំង​ទៅ​នឹង​ទណ្ឌកម្ម​របស់​អង្គការសហប្រជាជាតិ​ដែល​ដាក់លើ​កូរ៉េ​ ​ខាងជើង​ ​ពេល​ដែល​លោក​បាន​រស់នៅ​ក្នុង​ប្រទេស​សឹង្ហ​បុរី​ ​មុននឹង​ផ្លាស់​ទៅ​រស់នៅ​ក្នុង​ ​ប្រទេស​ម៉ាឡេស៊ី​ ​នៅ​ឆ្នាំ​២​០​០​៨​ ​។​
​លោក​បាន​រិះគន់​ថា​ ​ចំណាត់​ការ​មក​លើ​រូបលោក​គឺជា​រឿង​នយោបាយ​ ​ហើយ​ថា​លោក​គឺជា​ ​ជនរងគ្រោះ​នៅ​ក្នុង​រឿង​នេះ​ ​ស្រប​ពេល​ដែល​អាមេរិក​កំពុង​ដាក់​សម្ពាធ​លើ​កូរ៉េ​ខាងជើង​ជុំវិញ​ ​បញ្ហា​អាវុធ​នុយ​ក្លេអ៊ែ​រ​របស់​កូរ៉េ​ខាងជើង​ ​។​

​អង្គការសហប្រជាជាតិ​បាន​ដាក់ទណ្ឌកម្ម​ដោយ​ហាមឃាត់​មិន​ឱ្យ​មាន​ ​ការនាំចេញ​ ​ទៅកាន់​ប្រទេស​កូរ៉េ​ខាងជើង​នូវ​ទំនិញ​ប្រណីត​មួយ​ចំនួន​ដែល​ជា​ផ្នែក​មួយ​នៃ​ការ​ដាក់ទណ្ឌកម្ម​លើ​ទីក្រុង​ព្យុ​ង​យ៉ាង​ដោយ​អង្គការសហប្រជាជាតិ​ ​និង​បណ្តា​ប្រទេស​ដទៃទៀត​ ​រួម​ទាំង​សហរដ្ឋអាមេរិក​ផង​ដែរ​ ​ជុំវិញ​កម្មវិធី​អាវុធ​នុយ​ក្លេអ៊ែ​រ​រង​ប​ស់​កូរ៉េ​ខាងជើង​ ​។​

​ទំនាក់ទំនង​រវាង​ម៉ាឡេស៊ី​ ​និង​កូរ៉េ​ខាងជើង​បាន​ធ្លាក់ចុះ​ខ្លាំង​ចាប់តាំង​ពី​កុម្ភៈ​ ​ឆ្នាំ​២​០​១​៧​ ​បន្ទាប់​ ​ពី​បងប្រុស​របស់​លោក​ ​គីម​ ជុ​ង​អ៊ុន​ ​ឈ្មោះ​ ​គីម​ ជុ​ង​ណាម​ ​ត្រូវ​បាន​សម្លាប់​ដោយ​ការ​បាញ់​ ​សារធាតុ​ពុល​លើ​ផ្ទៃមុខ​ក្នុងពេលដែល​លោក​កំពុង​រង់ចាំ​ជើង​យន្តហោះ​ធ្វើដំណើរ​ចាកចេញ​ ​ពី​ប្រទេស​ម៉ាឡេស៊ី​ ​។​

​លោក​ ​គីម​ ជុ​ង​អ៊ុន​ ​ត្រូវ​គេ​បាន​គេ​ចោទ​ថា​នៅ​ពីក្រោយ​ការ​សម្លាប់​នេះ​ ​ហើយ​កូរ៉េ​ខាងជើង​បាន​ ​ទាមទារ​ឱ្យ​ម៉ាឡេស៊ី​ប្រគល់​សាកសព​លោក​ ​គីម​ ជុ​ង​ណាម​ ​ទៅ​ឱ្យ​កូរ៉េ​ខាងជើង​វិញ​ ​ក្រោយ​ពី​ ​កូរ៉េ​បង្ខាំង​ខ្លួន​ជនជាតិ​ម៉ាឡេស៊ី​ ​៩​ ​នាក់​ដើម្បី​ជា​ថ្នូរ​នឹង​កា​រដោះ​ដូរ​ជាមួយ​សាកសព​របស់​លោក​ ​គីម​ ជុ​ង​ណាម​ ​។​ ​ម៉ាឡេស៊ី​ក៏បាន​ផ្អាក​ប្រតិបត្តិការ​ស្ថានទូត​របស់​ខ្លួន​នៅ​ប្រទេស​កូរ៉េ​ខាងជើង​ ​រហូតដល់​សព្វថ្ងៃ​បន្ទាប់ពី​ពលរដ្ឋ​ខ្លួន​ទាំង​ ​៩​ ​នាក់​បាន​ត្រឡប់មក​ស្រុក​វិញ​ដោយ​សុវត្ថិភាព​ ​។​ ​ប៉ុន្តែ​ស្ថានទូត​របស់​កូរ៉េ​ខាងជើង​នៅ​ក្នុង​ប្រទេស​ម៉ាឡេស៊ី​នៅតែ​បន្ត​ដំណើរការ​ធម្មតា​ចាប់តាំង​ពី​ពេល​នោះ​មក​ ​។​

​នៅ​មិនទាន់​ដឹង​ថា​ ​តើ​កូរ៉េ​ខាងជើង​នឹង​ឈប់​ប្រតិបត្តិការ​ស្ថានទូត​របស់​ខ្លួន​នៅ​ក្នុង​ ​ប្រទេស​ម៉ាឡេស៊ី​ ​ឬ​យ៉ាងណា​នោះ​ទេ​ ​។​

​ដំណឹង​នៃ​ការ​ធ្វើ​បត្យាប័ន​ពលរដ្ឋ​កូរ៉េ​ខាងជើង​ទៅកាន់​ទឹកដី​អាមេរិក​នេះ​ ​ក៏​ជួន​ចំ​ពេល​ដែល​ ​កូរ៉េ​ខាងជើង​កំពុង​តំ​ឡើងសរសៃក​ដាក់​សហរដ្ឋអាមេរិក​ជុំវិញ​រឿង​អាមេរិក​ធ្វើ​សម​យុទ្ធ​យោធា​ជាមួយ​កូរ៉េ​ខាងត្បូង​ ​និង​ការរៀបចំ​គោល​នយោបាយ​របស់​អាមេរិក​ជាមួយ​ស​ម្ព័ន្ធ​មិត្ត​របស់​ខ្លួន​ ​ដើម្បី​ដាក់​សម្ពាធ​លើ​កូរ៉េ​ខាងជើង​ ​ជុំវិញ​បញ្ហា​កម្មវិធី​អាវុធ​នុយ​ក្លេអ៊ែ​រ​នៅ​ក្នុង​ប្រទេស​មួយ​នេះ​ ​៕​