លោក​ ​ហ៊ុន​ ​សែន​ ​គ្រោង​ចាក់​វ៉ាក់សាំង​ ​As​t​r​a​ ​Z​e​n​e​ca​ ​ជា​ជំនួយ​របស់​គម្រោង​ ​CO​V​A​X

​លោកនាយក​រដ្ឋ​ម​ន្រ្តី ​ហ៊ុន​ ​សែន​ ​បាន​ប្រកាស​កាលពី​ល្ងាច​ថ្ងៃ​ទី​ ​២​៨​ ​ខែកុម្ភៈ​ ​ថា​លោក​គ្រោង​ ​នឹង​ទៅ​ចាក់​វ៉ាក់សាំង​បង្ការ​ជំងឺ​កូ​វី​ដ​-​១​៩​ ​As​t​r​a​ ​Z​e​n​e​ca​ ​ដែល​ជា​ជំនួយ​របស់​គម្រោង​ ​CO​V​A​X ​នៅ​មន្ទីរពេទ្យ​កាល់​ម៉ែត្រ​ ​នៅ​ព្រឹក​ថ្ងៃ​ទី​ ​៤​ ​ខែ​មីនា​ ​ឆ្នាំ​ ​២​០​២​១​ ​។​

លោកនាយក​រដ្ឋ​ម​ន្រ្តី ​ហ៊ុន​ ​សែន​ ​បាន​ប្រកាស​នៅ​លើ​ទំព័រ​ហ្វេសប៊ុក​របស់​លោក​ថា​ ​កម្ពុជា​នឹង​ ​ទទួល​បាន​វ៉ាក់សាំង​ឈ្មោះ​ ​As​t​r​a​ ​Z​e​n​e​ca​ ​ដែល​ផលិត​នៅ​ប្រទេស​ឥណ្ឌា​ចំនួន​ ​៣​២​៤​.​០​០​០​ ដូ​ស​ ​ក្នុងចំណោម​ ​១​.​១​០​៤​.​០​០​០​ ដូ​ស​ ​ដែល​កម្ពុជា​ត្រូវ​ទទួល​បាន​ក្នុង​ឆមាស​ទី​ ​១​ ​ឆ្នាំ​ ​២​០​២​១​ ​ដែល​ជា​ជំនួយ​បឋម​ផ្តល់​ដោយ​មជ្ឈមណ្ឌល​ កូ​វ៉ា​ក់ (​CO​V​A​X ​Facility​) ​។​

​លោក​បញ្ជាក់​ថា​ ​ប្រសិនបើ​ពុំ​មានការ​ប្រែប្រួល​ទេ​ ​វ៉ាក់សាំង​នេះ​ ​នឹង​មកដល់​កម្ពុជា​នៅ​ល្ងាច​ ​ថ្ងៃ​ទី​២​ ​ខែ​មីនា​ ​ហើយ​កម្ពុជា​នឹង​ទទួល​វ៉ាក់សាំង​នេះ​ពី​តំណាង​អង្គការសុខភាព​ពិភពលោក​ ​និង​តំណាង​អង្គការ​យូ​នី​សេ​ហ្វ​ប្រចាំ​កម្ពុជា​នៅ​យប់​ថ្ងៃ​ទី​២​ ​ខែ​មីនា​ ​នៅ​ព្រ​លាន​យន្តហោះ​ ​អន្តរជាតិ​ភ្នំពេញ​ ​។​

​លោក​បញ្ជាក់​បន្ថែម​ថា​ ​តាម​គម្រោង​របស់​កូ​វ៉ា​ក់ ​កម្ពុជា​នឹង​ទទួល​បាន​វ៉ាក់សាំង​ ​២​០​% ​នៃ​ប្រជា​ ​ជន​ចំនួន​ ​១​៦​ ​លាន​នាក់​ ​ដែល​ស្មើនឹង​ ​៣​ ​លាន​ ​២​ ​សែន​ ​នាក់​ ​ឬ​ស្មើនឹង​វ៉ាក់សាំង​ចំនួន​ ​៦​ ​លាន​ ​៤​ ​សែន​ ដូ​ស​ ​។​

​គួរ​បញ្ជាក់​ដែរ​ថា​ ​ប្រទេស​ចិន​បាន​ផ្តល់​ជំនួយ​វ៉ាក់សាំង​បង្ការ​ជំងឺ​កូ​វី​ដ​-​១​៩​ ​ឈ្មោះ​ ​Sin​o​p​harm​ ​ចំនួន​ ​៦​០​ ​ម៉ឺន​ដូ​ស​ដល់​ប្រទេស​កម្ពុជា​ ​។​ ​ប៉ុន្តែ​វ៉ាក់សាំង​ ​Sin​o​p​harm​ ​ដែល​កម្ពុជា​ទទួល​ ​បាន​ពី​ចិន​ ​ត្រូវ​បាន​ភាគី​ចិន​ ​និង​ក្រសួងសុខាភិបាល​កម្ពុជា​ប្រកាស​ថា​ ​សម្រាប់​ចាក់​តែ​ទៅលើ​ ​មនុស្ស​ដែល​មាន​អាយុ​ចាប់ពី​ ​១​៨​ ​ដល់​ ​៥​៩​ ​ឆ្នាំ​ប៉ុណ្ណោះ​ ​។​ ​លោកនាយក​រដ្ឋ​ម​ន្រ្តី ​ហ៊ុន​ ​សែន​ ​បាន​ប្រកាស​ថា​ ​លោក​មិន​អាច​ទៅ​ទទួល​វ៉ាក់សាំង​ ​Sin​o​p​harm​ ​បានទេ​ ​ដោយសារ​លោក​​​មាន​ ​អាយុ​លើស​ពី​ ​៥​៩​ ​ឆ្នាំ​ ​។​

​លោកនាយក​រដ្ឋ​ម​ន្រ្តី ​ហ៊ុន​ ​សែន​ ​ប្រកាស​ថា​ ​ក្រោយ​ពី​ចាក់​វ៉ាក់សាំង​ ​As​t​r​a​ ​Z​e​n​e​ca​ ​នៅ​មន្ទីរពេទ្យ​ ​កាល់​ម៉ែត្រ​ ​រួច​ ​លោក​ក៏​គ្រោង​នឹង​ធ្វើ​សន្និសីទកាសែត​ផង​ដែរ​ ​៕​