តំបន់&អន្តរជាតិ
នាយករដ្ឋមន្រ្តីថៃផ្អាកចាក់វ៉ាក់សាំង AstraZeneca ក្រោយពីមានរបាយការណ៍ថាវ៉ាក់សាំងនេះ អាចធ្វើឱ្យមានដុំកំណកឈាមក្នុងសរសៃ
នាយករដ្ឋមន្រ្តីថៃលោក ប្រាយុទ្ធ ចាន់អូចា និងមន្រ្តីក្នុងគណៈរដ្ឋមន្រ្តីរបស់លោកបានលុប ចោលគម្រោងចាក់វ៉ាក់សាំង AstraZeneca នៅថ្ងៃទី១២ ខែមីនា នេះ ក្រោយពីប្រទេសថៃពន្យា ពេលការប្រើប្រាស់វ៉ាក់សាំង AstraZeneca បន្ទាប់ពីមានរបាយការណ៍ថា វ៉ាក់សាំងនេះ អាចបង្ក ឱ្យមានដុំកំណកឈាមនៅក្នុងសរសៃនៅក្នុងប្រទេសមួយចំនួននៅទ្វីបអឺរ៉ុប ។ នេះបើ តាមការឱ្យដឹងរបស់មន្រ្តីសុខាភិបាលថៃម្នាក់ដែលបានប្រាប់សារព័ត៌មាន CNA នៅថ្ងៃទី១២ ខែមីនា នេះ ។
នៅក្នុងសន្និសីទកាសែតមួយរបស់ក្រសួងសុខាភិបាលថា លោក Prasit Watanapa ដែលជា ព្រឹទ្ធបុរសមហាវិទ្យាល័យឧសថសាស្រ្ត នៃមន្ទីរពេទ្យសិរីរាជ ឱ្យដឹងថា ការផ្អាកនេះក្រោយពី មានរបាយការណ៍ថា ប្រទេសដាណាម៉ាក់ ន័រវេស និងអ៊ីស្លង់ ក៏បានផ្អាកការប្រើប្រាស់វ៉ាក់ សាំង AstraZeneca នេះ ។
Empty chairs set up for officials to receive coronavirus disease (COVID-19) vaccinations, which was cancelled at the last minute, are pictured in Bangkok, Thailand March 12, 2021. Jonathan Klein/Pool via REUTERS REFILE – CORRECTING INFORMATION
គួរបញ្ជាក់ថា ប្រទេសដាណាម៉ាក់ កាលពីថ្ងៃទី១១ ខែមីនា បានប្រកាសផ្អាកប្រើប្រាស់វ៉ាក់ សាំងចំនួន ២ សប្តាហ៍ បន្ទាប់ពីរកឃើញថាស្រ្តីវ័យ ៦០ ឆ្នាំម្នាក់ ដែលបានចាក់វ៉ាក់សាំង AstraZeneca នេះ ក្រោយមកបានបង្កឱ្យមានដុំកំណកឈាមនៅក្នុងសរសៃ និងបានស្លាប់ ។
ក្នុងពេលជាមួយគ្នា ប្រទេសន័រវេស និងប្រទេសអ៊ីស្លង់ ក៏បានប្រកាសផ្អាកប្រើប្រាស់វ៉ាក់សាំង AstraZeneca នេះជាបណ្តោះអាសន្នផងដែរ ។
លោក Piyasakol Sakolsatayadorn ដែលជាទីប្រឹក្សាផ្នែកវ៉ាក់សាំងជំងឺកូវីដ-១៩ របស់ថៃបាន និយាយនៅក្នុងសន្និសីទកាសែតថា ទោះបីជាគុណភាពរបស់ AstraZeneca ល្អក៏ដោយ ប៉ុន្តែប្រទេសមួយចំនួនបានផ្អាកប្រើ ។ លោកថា ប្រទេសថៃក៏ផ្អាកដូចគ្នាសិនដែរ ។
ទោះជាយ៉ាងណា នៅក្នុងសេចក្តីថ្លែងការណ៍មួយរបស់ខ្លួន ក្រុមហ៊ុន AstraZeneca បាននិយាយថា ខ្លួនមិនបានរកឃើញភស្តុតាងនៃការកើនឡើងហានិភ័យ នៃការស្ទះសរសៃឈាមនោះទេ នៅក្នុងទិន្នន័យសុវត្ថិភាពជាង ១០ លានកំណត់ត្រារបស់ ខ្លូននោះ ។
ចំណែកប្រទេសអូស្រ្តីលីបានប្រកាសនៅថ្ងៃទី១២ មីនា នេះថា ខ្លួននឹងមិនផ្អាកការប្រើប្រាស់ វ៉ាក់សាំង AstraZeneca នៅឡើយទេ ដោយសារតែពួកគេរកមិនឃើញមានភស្តុតាង នៅឡើយដែលបញ្ជាក់ថា វ៉ាក់សាំងនេះបង្កឱ្យមានដុំកំណកឈាមនៅក្នុងសរសៃ ។ ប៉ុន្តែថាប្រទេសអូស្រ្តាលីនឹងតាមដាន និងស៊ើបអង្កេតពីរឿងនេះដោយយកចិត្តទុកដាក់ ៕
