តំបន់&អន្តរជាតិ
មេធាវីអ្នកស្រី ស៊ូជី មិនប្រាកដថា តើកូនក្តីដឹងពីភាពវឹកវរ នៅក្នុងប្រទេស ចាប់ពីមានរដ្ឋប្រហារឬអត់ទេ
មេធាវីការពារក្តីម្នាក់របស់អ្នកស្រី អ៊ុងសាន ស៊ូជី គឺលោក មីន មីន សូ (Min Min Soe) និយាយ ថា អ្នកស្រី ស៊ូជី មើលទៅហាក់មានសុខភាពល្អ ប៉ុន្តែលោកមិនប្រាកដថាតើអ្នកស្រី ស៊ូជី បានដឹងពីរឿងរ៉ាវកំពុងកើតឡើងនៅក្នុងប្រទេសមីយ៉ាន់ម៉ាចាប់តំាំងពីរបបយោធាបានធ្វើរដ្ឋប្រ ហារ ឬយ៉ាងណានោះទេ ។
លោក មីន មីន សូ ឱ្យដឹងថា អ្នកស្រី ស៊ូជី កាលពីថ្ងៃទី១២ ខែមេសា បានស្នើសុំតុលាការ ដើម្បីអនុញ្ញាតឱ្យអ្នកស្រីបានជួបផ្ទាល់ជាមួយមេធាវីដែលអ្នកស្រីមិនធ្លាប់បានជួបទល់មុខ ម្តងណាសោះចាប់តាំងពីមានរដ្ឋប្រហារនៅថ្ងៃទី១ ខែកុម្ភៈ មក ។
សារព័ត៌មាន CNA បានរាយការណ៍ថា នៅថ្ងៃទី១២ ខែមេសា ដដែលនោះ អ្នកស្រី ស៊ូជី ត្រូវ បានតុលាការបន្ថែមបទចោទប្រកាន់លើអ្នកស្រីចំនួនមួយករណីទៀត ដែលធ្វើឱ្យបទចោទ កើនដល់ ៦ ក្នុងពេលបច្ចុប្បន្ន ។
លោក មីន មីន សូ បានថ្លែងប្រាប់ទីភ្នាក់ងារព័ត៌មាន AFP ថា អ្នកស្រី ស៊ូជី មានបទចោទប្រ កាន់សរុបចំនួន ៦ ករណី ក្នុងនោះ ៥ ករណីនៅក្នុងទីក្រុងណៃពិដរ និងមួយករណីនៅក្នុងទី ក្រុងយ៉ាងហ្គូន ។ លោកថា បទចោទប្រកាន់ចុងក្រោយបង្អស់ទៅលើអ្នកស្រីគឺឋិតក្រោមច្បាប់ គ្រប់គ្រងគ្រោះធម្មជាតិរបស់ប្រទេស ។
អ្នកស្រី អ៊ុងសាន ស៊ូជី ត្រូវបានរបបយោធាចាប់ឃុំខ្លួនចាប់តាំងពីថ្ងៃទី១ ខែកុម្ភៈ មក និងបាន លេចមុខនៅក្នុងសវនាការតុលាការតែតាមរយៈវីដេអូប៉ុណ្ណោះ ។
លោក មីន មីន សូ បានអះអាងថា បទចោទប្រកាន់មួយដែលអាចធ្វើឱ្យអ្នកស្រីជាប់ពន្ធនាគារ រហូតដល់ ១៤ ឆ្នាំ គឺបទចោទពាក់ព័ន្ធនឹងច្បាប់សម្ងាត់ជាតិដែលមានតាំងពីសម័យអាណា និគម ។ ក្រៅពីនោះ អ្នកស្រីក៏ត្រូវបានចោទប្រកាន់ពីបទរំលោភបំពានទៅលើពិធីសារប្រឆាំង នឹងជំងឺកូវីដ-១៩ និងការកាន់អាយកូមខុសច្បាប់ ព្រមទាំងបទស៊ីសំណូក ។
ទោះជាយ៉ាងណា លោក មីន មីន សូ ថាបទចោទប្រកាន់ទាំងអស់នេះសុទ្ធតែត្រូវបានប្រឌិត ឡើងដោយក្រុមមេដឹកនាំយោធា ៕
