អ្នក​សរសេរ​ប្លុក​ជនជាតិ​អូ​ស្រ្តា​លី ​នឹង​ត្រូវ​តុលាការ​ចិន​កាត់ទោស​ នៅ​ចុងខែ​ឧសភា​នេះ​

អ្នក​សរសេរ​ប្លុក​ (B​log​) ​ជនជាតិ​អូ​ស្រ្តា​លី​ដែល​ត្រូវ​បាន​ទីក្រុង​ប៉េកាំង​ចាប់​ឃុំ​ខ្លួន​ពី​បទ​ចារកម្ម​ ​នឹង​ត្រូវ​បញ្ជូន​ទៅកាន់​តុលាការ​កាត់ទោស​នៅ​ថ្ងៃ​ទី​២​៧​ ​ខែ​ឧសភា​ ​នេះ​ ​។​ ​នេះ​បើ​តាម​ការ​ ​ផ្សាយ​របស់​សារ​ព័ត៌មាន​ R​e​u​t​e​rs ​នៅ​ថ្ងៃ​ទី​២​១​ ​ឧសភា​ ​។​

Australian writer Yang Hengjun is set to be tried in China on charges of espionage. Credit: AP

​លោក​ ​យ៉ាង​ ​ហេង​ជុ​ន​ (​Y​an​g​ ​Hen​g​jun) ​ដែល​ជា​អ្នក​សរសេរ​ប្លុក​គំា​ទ្រ​លទ្ធិប្រជាធិបតេយ្យ​បាន​ ​ច្រានចោល​ចំពោះ​ការចោទប្រកាន់​របស់​អាជ្ញាធរ​ចិន​មក​លើ​រូបលោក​ ​។​ ​លោក​ត្រូវ​បាន​ ​អាជ្ញាធរ​ចិន​ចាប់ខ្លួន​តាំងពី​ខែ​មករា​ ​ឆ្នាំ​២​០​១​៩​ ​នៅ​ពេល​លោក​បាន​ធ្វើដំណើរ​ពី​ទីក្រុង​ញូ​វ​យ៉​ក ​មកដល់​ព្រ​លាន​យន្តហោះ​ ក្វា​ង​ហ្សូ (​G​u​an​g​z​h​ou) ​ប្រទេស​ចិន​ ​។​ ​ចាប់តាំង​ពី​ពេល​ចាប់ខ្លួន​ ​នោះ​មក​ ​អាជ្ញាធរ​ចិន​មិនបាន​អនុញ្ញាត​ឱ្យ​ភរិយា​ ​និង​ក្រុម​គ្រួសារ​លោក​បាន​ជួប​សួរសុខទុក្ខ​ ​នោះ​ទេ​ ​។​

​អតីត​គ្រូបង្រៀន​របស់​លោក​ ​យ៉ាង​ ​ហេង​ជុ​ន​ ​គឺ​លោក​ ​ហ្វេ​ង​ ​ចុង​យី​ (​Fen​g​ C​h​on​g​y​i​) ​បច្ចុប្បន្ន​ ​កំពុង​រស់នៅ​ក្នុង​ទីក្រុង​ស៊ី​ដ​នី​ ​ប្រទេស​អូ​ស្រ្តា​លី​ ​បាន​ឱ្យ​ដឹង​ថា​ ​សវនាការ​របស់​លោក​ ​យ៉ាង​ ​ហេង​ជុ​ន​ ​នឹង​ត្រូវធ្វើ​ឡើង​ដោយ​បិទទ្វារ​ ​។​

​មែនទែន​ទៅ​ ​សវនាការ​កាត់ទោស​លោក​ ​យ៉ាង​ ​ហេង​ជុ​ន​ ​ត្រូវធ្វើ​ឡើង​តាំងពី​ខែ​មករា​ ​ឆ្នាំ​២​០​២​១​ ​ប៉ុន្តែ​ត្រូវ​បាន​ព​ន្យា​ពេល​រហូតមកដល់​ខែ​ឧសភា​ ​។​ ​លោក​អាច​ប្រឈម​នឹង​ការ​ជាប់​ ​ពន្ធ​នាគា​រ​ច្រើន​ឆ្នាំក្រោយ​អាជ្ញាធរ​ចិន​បាន​ចោទប្រកាន់​រូបលោក​ថា​បង្ក​គ្រោះថ្នាក់​ដល់​សន្តិសុខ​ជាតិ​ចិន​ដោយសារតែ​លោក​បាន​ចូលរួម​ ​និង​ទទួលយក​បេសកកម្ម​ពី​អង្គការ​ចារកម្ម​មិន​ត្រូវ​ ​បាន​បញ្ជាក់​អត្តសញ្ញាណ​មួយ​ ​។​

​នៅ​មិនទាន់​ឃើញ​មាន​ប្រតិកម្ម​យ៉ាងណា​ពី​ក្រសួងការបរទេស​អូ​ស្រ្តា​លី​នៅឡើយ​ទេ​ចំពោះ​ ​គម្រោង​បើកសវនាការ​កាត់ទោស​ជនជាតិ​អូ​ស្រ្តា​លី​នៅ​លើទឹក​ដី​ចិន​នៅ​ពេលនេះ​ ​។​ ​ប៉ុន្តែ​កន្លង​ ​ទៅ​ ​នាយក​រដ្ឋ​ម​ន្រ្តី​អូ​ស្រ្តា​លី​ ​លោក​ ស្កត់ ម៉ូ​រី​សុ​ន​ (​Scot​t​ ​M​orr​i​son​) ​បាន​ច្រានចោល​ថា​ ​វា​មិន​ ​មែន​ជា​រឿង​ពិត​នោះ​ទេ​ដែល​អាជ្ញាធរ​ចិន​ចោទ​លោក​ ​យ៉ាង​ ​ហេង​ជុ​ន​ ​ថា​បាន​ធ្វើការងារ​ចារកម្ម​ ឱ្យ​ប្រទេស​អូ​ស្រ្តា​លី​នោះ​ ​៕​
​