Connect with us
Trulli

ចិននឹងកាត់ទោសជនជាតិកាណាដា ២ រូបពីបទចារកម្ម

តំបន់&អន្តរជាតិ

ចិននឹងកាត់ទោសជនជាតិកាណាដា ២ រូបពីបទចារកម្ម

ប្រទេសចិននឹងធ្វើការកាត់ទោសជនជាតិកាណាដាពីររូបនៅពេលដ៏ខ្លីខាងមុខនេះពីបទ ចារកម្ម ។ នេះបើតាមការរាយការណ៍របស់ Global Times រួចត្រូវបានផ្សព្វផ្សាយបន្តដោយ សារព័ត៌មាន Reuters នៅថ្ងៃទី១២ ខែមីនា នេះ ។

ជនជាតិកាណាដាទាំងពីររូបនោះ រួមមានលោក Michael Spavor និង Michael Kovrig ដែលត្រូវ បានអាជ្ញាធរចិនចាប់ខ្លួនកាលពីខែធ្នូ ឆ្នាំ ២០១៨ និងត្រូវបានចោទប្រកាន់ជាផ្លូវការពីបទ ចារកម្ម កាលពីខែមិថុនា ឆ្នាំ ២០២០ ។

Photo: Former Canadian diplomat Michael Kovrig and Michael Spavor (right)

ពួកគេទាំងពីរនាក់ត្រូវបានអាជ្ញាធរចិនចាប់ខ្លួនក្រោយពីកូនស្រីរបស់ប្រធានក្រុមហ៊ុនទូរគមនាគមន៍ Huawei អ្នកស្រី Meng Wanzhou​ ក៏ត្រូវបានអាជ្ញាធរកាណាដាចាប់ខ្លួននៅក្នុងប្រទេស កាណាដា តាមការស្នើរបស់រដ្ឋាភិបាលអាមេរិក ដោយបានចោទកាន់អ្នកស្រី Meng Wanzhou ថាបានជាប់ពាក់ព័ន្ធនៅក្នុងការធ្វើជំនួញជាមួយប្រទេសអ៊ីរ៉ង់ដែលកំពុងស្ថិតនៅ ក្រោមការដាក់ទណ្ឌកម្មរបស់អាមេរិក ។

ការចាប់ខ្លួនជនជាតិកាណាដាទាំងពីររូបនេះ ត្រូវបានគេមើលឃើញថាជាការឆ្លើយតបរបស់ ចិនចំពោះការចាប់ខ្លួនកូនស្រីរបស់ប្រធានក្រុមហ៊ុន Huawei ។ ប៉ុន្តែអាជ្ញាធរចិនបានអះអាង ថា វាមិនពាក់ព័ន្ធនឹងរឿងចាប់ខ្លួនអ្នកស្រី Meng Wanzhou នោះទេ ។

ទោះជាយ៉ាងណា តើការកាត់ទោសជនជាតិកាណាដាទាំងពីររូបនេះ នឹងធ្វើឡើងនៅពេល ណា និងនៅទីកន្លែងឱ្យពិតប្រាកដ គេនៅមិនទាន់ដឹងច្បាស់នៅឡើយទេ ។ ប៉ុន្តែការកាត់ ទោសទៅលើពួកគេត្រូវបានលើកពេលក្នុងពេលកន្លងទៅដោយសារតែការរាតត្បាតនៃជំងឺ កូវីដ-១៩ ។

ប្រទេសកាណាដា និងសហរដ្ឋអាមេរិកតែងទាមទារឱ្យអាជ្ញាធរចិនដោះលែងអ្នកទំាងពីរឱ្យ មានសេរីភាពវិញ ។ រដ្ឋាភិបាលកាណាដា បានចាត់ទុកការចាប់ខ្លួនអ្នកទាំងពីរដោយអាជ្ញាធរ ចិនថាជាចំណាប់ខ្មាំងការទូត ។

គួរកត់សម្គាល់ថា ដំណឹងនៃការកាត់ទោសជនជាតិកាណាដាទាំងពីររូបនេះ ធ្លាក់មកនៅកៀក ពេលដែលមន្រ្តីការទូតជាន់ខ្ពស់អាមេរិកនិងចិន នឹងជួបប្រជុំគ្នានៅរដ្ឋអាឡាស្កា សហរដ្ឋអាមេរិក នៅថ្ងៃទី១៨ និង១៩ ខែមីនា ខាងមុខនេះ និងខណៈដែលអាមេរិកបានថ្កោល ទោសរដ្ឋសភាចិនអំពីការកែប្រែប្រព័ន្ធបោះឆ្នោតនៅក្នុងទីក្រុងស្វយ័តហុងកុង ៕

Continue Reading
You may also like...

More in តំបន់&អន្តរជាតិ

  • តំបន់&អន្តរជាតិ

    ប៉ូលីសចាប់ខ្លួនបុរសតស៊ូមតិជនជាតិយួនដែលប្រឆាំងរដ្ឋអំណាចវៀតណាម

    By

    អ្នកតស៊ូមតិជនជាតិយួនឈ្មោះ ឡេ វ៉ាំង យុង (Lê Văn Dũng) ត្រូវបានសមត្ថកិច្ចវៀតណាម ចាប់ខ្លួនប្រមាណមួយខែក្រោយពីបុរសរូបនេះត្រូវបានអាជ្ញាធរវៀតណាមដាក់ក្នុងបញ្ជីតាម ចាប់ខ្លួន ។ បណ្តាញសារព័ត៌មានវៀតណាម (Vietnam News) បានផ្សព្វផ្សាយកាលពីថ្ងៃទី១ ខែកក្កដា...

  • តំបន់&អន្តរជាតិ

    លោក បៃដិន និយាយថា ការពារ NATO គឺជាកាតព្វកិច្ចពិសិដ្ឋរបស់អាមេរិក

    By

    ប្រធានាធិបតីអាមេរិក លោក ចូ បៃដិន បានថ្លែងប្រាប់មេដឹកនាំប្រទេសដែលជាសមាជិកនៃ បក្សសម្ព័ន្ធយោធាណាតូ នៅក្នុងកិច្ចប្រជុំកំពូលអង្គការណាតូ នៅក្នុងទីក្រុងប្រ៊ុយសែល ប្រទេសប៊ែលហ្សិក កាលពីថ្ងៃទី១៤ ខែមិថុនា ថា ការពារទ្វីបអឺរ៉ុប ប្រទេសតួគី និងកាណាដា គឺជាកាតព្វកិច្ចពិសិដ្ឋសម្រាប់សហរដ្ឋអាមេរិក...

  • តំបន់&អន្តរជាតិ

    WHO ថាមិនអាចបង្ខំចិនផ្តល់ព័ត៌មានបន្ថែមពីប្រភពនៃជំងឺកូវីដ-១៩ បាននោះទេ

    By

    មន្រ្តីជាន់ខ្ពស់នៃអង្គការសុខភាពពិភពលោក (WHO) និយាយថា ស្ថាប័ននេះមិនអាចបង្ខំ ប្រទេសចិនឱ្យផ្តល់ព័ត៌មានបន្ថែមទៀតអំពីប្រភពចំលងនៃជំងឺកូវីដ-១៩ នោះទេ ។ នៅពេលត្រូវបានសួរដោយអ្នកកាសែតអំពីវិធានការរបស់ WHO ក្នុងការជំរុញឱ្យប្រទេសចិន មានការបើកចំហបន្ថែមទៀតជុំវិញការស៊ើបអង្កេតនៃប្រភពចំលងជំងឺកូវីដ-១៩ លោក ម៉ៃ រ៉ាយអិន (Mike Ryan)...

  • តំបន់&អន្តរជាតិ

    លោក ចូ បៃដិន ជ្រើសរើសទ្វីបអឺរ៉ុបសម្រាប់ដំណើរទស្សនកិច្ចក្រៅប្រទេសដំបូង

    By

    ប្រធានាធិបតីអាមេរិក លោក ចូ បៃដិន នឹងចាប់ផ្តើមដំណើរទស្សនកិច្ចទៅកាន់ក្រៅប្រទេស ជាលើកដំបូងចាប់តាំងពីបានចូលកាន់ដំណែងជាប្រធានាធិបតីអាមេរិកនៅខែកុម្ភៈ ឆ្នាំ ២០២១ មក ដោយបានជ្រើសរើសទ្វីបអឺរ៉ុបជាគោលដៅដំបូងរបស់លោក ។ ក្នុងដំណើរទស្សនកិច្ចទៅកាន់ទ្វីបអឺរ៉ុបចាប់ពីចុងសប្តាហ៍នេះ លោក ចូ បៃដិន នឹងចូលរួមកិច្ច...

  • តំបន់&អន្តរជាតិ

    ម៉ាឡេស៊ីប្រើយន្តហោះដ្រូនចាប់យកកំដៅរាងកាយអ្នកដែលអាចឆ្លងកូវីដ-១៩

    By

    ប៉ូលីសនៅក្នុងរដ្ឋ ធើរេនហ្កានូ (Terengganu) នៃប្រទេសម៉ាឡេស៊ី កំពុងប្រើប្រាស់យន្តហោះ ដូ្រនដើម្បីចាប់យកកំដៅរាងកាយរបស់មនុស្សនៅតាមទីសាធារណៈ ។ ការប្រើប្រាស់នេះក្នុង ពេលដែលប្រទេសម៉ាឡេស៊ីកំពុងអនុវត្តការបិទខ្ទប់នៅទូទាំងប្រទេសជាលើកទី ៣ ។ សារព័ត៌មានសឹង្ហបុរី CNA បានផ្សាយថា យន្តហោះដ្រូនដែលប៉ូលីសម៉ាឡេស៊ីកំពុងប្រើប្រាស់ នេះ...

Advertisement

អត្ថបទពេញនិយមបំផុត

Advertisement
Trulli
To Top