ប្រធានាធិបតី​ឥណ្ឌូ​នេ​ស៊ី​ ស្នើ​ឱ្យ​អា​ស៊ាន​ប្រជុំ​ដោះស្រាយ​វិបត្តិនយោបាយ​ នៅ​មី​យ៉ា​ន់​ម៉ា​

​ប្រធានាធិបតី​ឥណ្ឌូ​នេ​ស៊ី​ ​លោក​ Joko ​W​i​do​do​ ​នៅ​ថ្ងៃ​ទី​១​៩​ ​ខែ​មីនា​ ​នេះ​ ​អំពាវនាវ​ឱ្យ​មាន​កិច្ច​ ​ប្រជុំ​អា​ស៊ាន​កំរិត​ខ្ពស់​ដើម្បី​ដោះស្រាយ​វិបត្តិនយោបាយ​នៅ​ក្នុង​ប្រទេស​មី​យ៉ា​ន់​ម៉ា​ដែល​បាន​ ​អូស​បន្លាយ​ចាប់តាំង​ពី​ពេល​ក្រុម​យោធា​ធ្វើ​រដ្ឋប្រហារ​នៅ​ថ្ងៃ​ទី​១​ ​ខែកុម្ភៈ​ ​មក​ ​។​ ​នេះ​បើ​តាម​ការ​ ​ផ្សាយ​របស់​សារ​ព័ត៌មាន​ R​e​u​t​e​rs ​។​

​លោក​ Joko ​W​i​do​do​ ​បាន​អំពាវនាវ​ឱ្យ​ស្តារ​លទ្ធិប្រជាធិបតេយ្យ​នៅ​ក្នុង​ប្រទេស​មី​យ៉ា​ន់​ម៉ា​ ​ឡើងវិញ​ ​និង​បញ្ឈប់​នូវ​អំពើ​ហិង្សា​ ​។​

​ឆ្នាំនេះ​ប្រទេស​ប្រ៊ុ​យ​ណេ​គឺជា​ប្រធាន​ឆ្លាស់​វេន​របស់​អា​ស៊ាន​ ​។​ ​លោក​ ​W​i​do​do​ ​ថា​លោក​នឹង​ ​ទូរស័ព្ទ​ទៅកាន់​មេដឹកនាំ​ប្រ៊ុ​យ​ណេ​ក្នុង​ពេល​ឆាប់​ដែល​អាច​ធ្វើ​បាន​ដើម្បី​ស្នើ​ឱ្យ​មាន​កិច្ចប្រជុំ​ ​កំរិត​ខ្ពស់​នៅ​ក្នុង​ក្របខណ្ឌ​អា​ស៊ាន​ដើម្បី​ពិភាក្សា​អំពី​វិបត្តិ​នៅ​ក្នុង​ប្រទេស​មី​យ៉ា​ន់​ម៉ា​ ​។​

​មេបញ្ជាការ​កងទ័ព​ជាតិ​ឥណ្ឌូ​នេ​ស៊ី​ ​លោក​ ​H​a​d​i​ ​T​j​a​h​j​ant​o ​បាន​ថ្លែង​កាលពី​ថ្ងៃ​ទី​១​៨​ ​ខែ​មីនា​ ​តាមរយៈ​កិច្ចប្រជុំ​ ​Video Conference​ ​ជាមួយ​ប្រមុខ​ការពារ​ជាតិ​នៃ​ប្រទេស​សមាជិក​អា​ស៊ាន​ ​ក៏បាន​សម្តែង​ការ​បារម្ភ​ពី​ស្ថានភាព​នៅ​ក្នុង​ប្រទេស​មី​យ៉ា​ន់​ម៉ា​ ​។​ ​មេដឹកនាំ​យោធា​មី​យ៉ា​ន់​ម៉ា​ ​ឧត្តមសេនីយ៍​ ​M​in​ ​A​un​g​ ​H​lain​g​ ​ក៏​ស្ថិតនៅ​ក្នុង​កិច្ចប្រជុំ​នោះ​ដែរ​ ​ហើយក៏​ជាលើកដំបូង​ដែល​ ​លោក​បាន​បង្ហាញខ្លួន​នៅ​ក្នុង​កិច្ចប្រជុំ​ចាប់តាំង​ពី​ក្តោបក្តាប់​អំណាច​ក្រោយ​រដ្ឋប្រហារ​មក​ ​។​

​រដ្ឋ​ម​ន្រ្តី​ការបរទេស​ឥណ្ឌូ​នេ​ស៊ី​ធ្លាប់​បាន​ជួបពិភាក្សា​ម្តង​រួចមក​ហើយ​ជាមួយ​ក្រុម​យោធា​ ​និង​តំណាង​នៃ​រដ្ឋាភិបាល​គណបក្ស​ N​L​D​ ​នៅ​ក្នុង​ទីក្រុង​បាងកក​ប្រទេស​ថៃ​ ​កាលពី​ថ្ងៃ​ទី​២​៤​ ​ខែកុម្ភៈ​ ​ប៉ុន្តែ​មិន​មាន​លទ្ធផល​អ្វី​ជាដុំកំភួន​នោះ​ទេ​ ​។​

​បើ​តាម​សមាគម​ផ្តល់​ជំនួយ​សម្រាប់​អ្នកទោស​នយោបាយ​នៅ​មី​យ៉ា​ន់​ម៉ា​ ​គិត​ត្រឹម​ព្រឹក​ថ្ងៃ​ទី​១​៩​ ​ខែ​មីនា​ ​នេះ​មាន​មនុស្ស​ចំនួន​ ​២​២​៤​ ​នាក់​ហើយ​ត្រូវ​បាន​សម្លាប់​ ​ចាប់​តំា​ង​ពី​រដ្ឋប្រហារ​នៅ​ ​ថ្ងៃ​ទី​១​ ​ខែកុម្ភៈ​ ​មក​ ​៕​