តំបន់&អន្តរជាតិ
របបយោធាមីយ៉ាន់ម៉ាកោះហៅឯកអគ្គរដ្ឋទូតប្រចាំចក្រភពអង់គ្លេស ក្រោយពីនិយាយគាំទ្រ អ្នកស្រី អ៊ុងសាន ស៊ូជី
របបយោធាដែលកំពុងគ្រប់គ្រងប្រទេសមីយ៉ាន់ម៉ាក្រោយរដ្ឋប្រហារកាលពីថ្ងៃទី១ ខែកុម្ភៈ បានកោះហៅឯកអគ្គរដ្ឋទូតមីយ៉ាន់ម៉ាប្រចាំចក្រភពអង់គ្លេសឱ្យចូលស្រុកវិញ ក្រោយពីឯក អគ្គរដ្ឋទូតរូបនេះ បានថ្លែងសារគាំទ្រអ្នកស្រី អ៊ុងសាន ស៊ូជី ។ នេះបើតាមការផ្សាយរបស់សារ ព័ត៌មាន BBC នៅថ្ងៃទី១០ ខែមីនា នេះ ។
Britain has called for the release of Ms Suu Kyi and other leaders toppled in a Feb 1 military coup.PHOTO: AFP
ឯកអគ្គរដ្ឋទូតមីយ៉ាន់ម៉ាប្រចាំចក្រភពអង់គ្លេស លោក Kyaw Zwar Minn ដែលជាអតីតមន្រ្តី យោធា កាលពីថ្ងៃទី៨ ខែមីនា បានថ្លែងសារអំពាវនាវឱ្យរបបយោធាដោះលែងអ្នកស្រី អ៊ុងសាន ស៊ូជី ដែលជាក្រុមប្រឹក្សារដ្ឋ និងប្រធានាធិបតី វីន យីន (Win Myint) ឱ្យមានសេរីភាព ដោយលោកមើលឃើញថា ប្រទេសមីយ៉ាន់ម៉ាកំពុងតែបែកបាក់ធ្ងន់ធ្ងរ ហើយសង្រ្គាមស៊ីវិល ក៏អាចកើតមានឡើងដែរ ប្រសិនបើមិនមានការចរចាដើម្បីស្វែងរកដំណោះស្រាយ នយោបាយវិញនោះ ។
ការប្រកាសរបស់លោក Kyaw Zwar Minn នៅពេលនោះត្រូវបានរដ្ឋាភិបាលអង់គ្លេសកោតសរ សើរ និងបានចាត់ទុកលោកជាមន្រ្តីការទូតដែលក្លាហាន ។ ប៉ុន្តែកាយវិការរបស់លោកមិន បានធ្វើឱ្យរបបយោធាសប្បាយចិត្តនោះទេ នឹងបានប្រតិកម្មតបដោយកោះហៅរូបលោក នៅពេលនេះ ។
ទោះជាយ៉ាងណា លោក Kyaw Zwar Minn នៅតែបង្ហាញជំហរគាំទ្រអ្នកស្រី អ៊ុងសាន ស៊ូជី និងនៅតែបន្តទាមទារឱ្យដោះលែងអ្នកនយោបាយជើងចាស់រូបនេះឱ្យមានសេរីភាពឡើងវិញ ដដែល ។
គេនៅមិនទាន់ដឹងថា លោក Kyaw Zwar Minn នឹងមានផែនការបែបណាចំពោះការកោះហៅ របស់ក្រុមយោធានៅពេលនេះទេ ប៉ុន្តែលោកបានថ្លែងបញ្ជាក់ថា អ្នកស្រី អ៊ុងសាន ស៊ូជី ជាអ្នកតែងតាំងរូបលោក ដូច្នេះលោកនឹងស្តាប់បញ្ជារបស់អ្នកស្រី អ៊ុងសាន ស៊ូជី ។ ក្នុងពេល ជាមួយគ្នា លោកក៏ធ្លាប់និយាយដែរថា លោកមិនមានគម្រោងការគេចខ្លួន ឬស្វែងរកសិទ្ធិជ្រក កោននៅចក្រភពអង់គ្លេសនោះឡើយ និងបញ្ជាក់ថា ស្ថានទូតមីយ៉ាន់ម៉ាប្រចាំនៅចក្រភពអង់ គ្លេសមិនមានទំនាក់ទំនងផ្ទាល់ជាមួយក្រុមយោធានោះដែរ ៕
