តំបន់&អន្តរជាតិ
របបយោធាមីយ៉ាន់ម៉ាដកក្រុមឧទ្ទាមអារ៉ាក់ខាន់នៅរដ្ឋ Rakhine ចេញពីបញ្ជីភេរវករ
ក្នុងពេលដែលរបបយោធាមីយ៉ាន់ម៉ាធ្វើការបង្រ្កាបយ៉ាងចាស់ដៃទៅលើក្រុមអ្នកតវ៉ាដោយសន្តី វិធីដែលបណ្តាលឱ្យមនុស្សជាង ៦០ នាក់បាត់បង់ជីវិត និងប្រមាណ ២.០០០ នាក់ផ្សេងទៀត ត្រូវបានចាប់ឃុំខ្លួន របបយោធាបែរជាបានដកក្រុមឧទ្ទាមនៅរដ្ឋ រ៉ាក់ឃីន ចេញពីបញ្ជី ភេរវករទៅវិញ ។
សារព័ត៌មាន Reuters បានរាយការណ៍ដោយស្រង់ប្រភពព័ត៌មានចេញបណ្តាញផ្សព្វផ្សាយរដ្ឋ មីយ៉ាន់ម៉ានៅថ្ងៃទី១១ ខែមីនា នេះថា របបយោធាបានដកកងកម្លាំងឧទ្ទាមអារ៉ាខាន់ចេញពី បញ្ជីភេរវករដោយសារតែក្រុមនេះបានឈប់ធ្វើការវាយប្រហារ និងដើម្បីឱ្យមានសន្តិភាពនៅ ក្នុងប្រទេស ។
កងកម្លាំងឧទ្ទាមអារ៉ាខាន់ដែលត្រូវបានរដ្ឋាភិបាលដឹកនាំដោយគណបក្សសម្ព័ន្ធដើម្បីលទ្ធិប្រ ជាធិបតេយ្យរបស់អ្នកស្រី អ៊ុងសាន ស៊ូជី ដាក់ក្នុងបញ្ជីនៃក្រុមគាំទ្រភេរវករបានស្វាគមន៍ ចំពោះដំណឹងដែលក្រុមយោធាដកពួកគេចេញពីបញ្ជីភេរវករវិញនៅពេលនេះ ។
គួរបញ្ជាក់ថា កងកម្លាំងឧទ្ទាមអារ៉ាខាន់ កំពុងប្រយុទ្ធដើម្បីស្វ័យភាពកាន់តែច្រើននៅរដ្ឋ រ៉ាក់ឃីន ភាគខាងលិចប្រទេសមីយ៉ាន់ម៉ា ហើយក្នុងរយៈពេលពីរឆ្នាំកន្លងមកនេះបានក្លាយ ជាកម្លាំងមួយក្នុងចំណោមកងកម្លាំងខ្លាំងបំផុតក្នុងការប្រជែងជាមួយកងទ័ពរដ្ឋាភិបាល ។
អ្នកនំាពាក្យនៃកងកម្លាំងអារ៉ាខាន់ លោក Khine Thu Kha និយាយថា រដ្ឋរ៉ាក់ឃីន បានទទួល រងនូវអំពើហិង្សា និងការធ្លាក់ចុះជាច្រើនឆ្នាំ ដូច្នេះការដកចេញនូវឈ្មោះរបស់ក្រុមនេះចេញ ពីបញ្ជីជាក្រុមភេរវករ គឺវិជ្ជមាន ។
អ្នកនាំពាក្យរូបនេះបញ្ជាក់ប្រាប់សារព័ត៌មាន Reuters ថា ៖ «សេចក្តីប្រកាសនេះប្រហែលជា មិនអាចដោះស្រាយបញ្ហារបស់ប្រទេសទាំងមូលបានទេ ប៉ុន្តែវានឹងក្លាយជាការចាប់ផ្តើមដោះ ស្រាយបញ្ហានៅក្នុងរដ្ឋរ៉ាក់ឃីន ដូច្នេះយើងសូមស្វាគមន៍» ។
ចាប់តាំងពីក្រុមយោធាបានធ្វើរដ្ឋប្រហារនៅថ្ងៃទី១ ខែកុម្ភៈ មក ក្រុមប្រដាប់អាវុធជនជាតិ ភាគតិចនៅមីយ៉ាន់ម៉ាមួយចំនួន បានរិះគន់ការធ្វើរដ្ឋប្រហារ និងថែមទាំងបង្ហាញការគាំទ្រដល់ ក្រុមបាតុករប្រឆាំងរដ្ឋប្រហារ ប៉ុន្តែពួកគេមិនបានបង្កើនសកម្មភាពយោធា ឬបោះបង់ ចោលកិច្ចព្រមព្រៀងឈប់បាញ់គ្នាដែលពួកគេបានចុះជាមួយរដ្ឋាភិបាលក្នុងពេលកន្លងមកនោះទេ ។
ផ្ទុយទៅវិញ ក្រុមឧទ្ទាមអារ៉ាកខាន់ដែលពួកយោធាទើបតែដកចេញពីបញ្ជីភេរវករនេះ មិនបាន បញ្ចេញសំឡេងគាំទ្រដល់អ្នកតវ៉ាប្រឆាំងនឹងរដ្ឋប្រហារនោះឡើយ ៕
