មីយ៉ាន់ម៉ា ៖ អ្នកតវ៉ាជិត ៥០០ នាក់ត្រូវបានឃុំខ្លួន

គិត​ត្រឹម​ថ្ងៃ​ទី​១​៨​ ​ខែកុម្ភៈ​ ​នេះ​មានរបប​យោធា​មី​យ៉ា​ន់​ម៉ា​បាន​ចាប់​ឃុំ​ខ្លួនមនុស្ស​ប្រមាណ​ ​៥​០​០​ ​នាក់​ហើយ​ ​នៅ​ក្នុង​យុទ្ធនាការ​ប​ង្រ្កា​ប​លើ​ក្រុម​បាតុករ​ដែល​តវ៉ា​ប្រ​ឆំា​ង​នឹង​រដ្ឋប្រហារ​របស់​ពួក​ ​យោធា​កាលពី​ថ្ងៃ​ទី​១​ ​ខែកុម្ភៈ​ ​។​

​ចាប់ពី​ថ្ងៃ​ទី​៦​ ​ខែកុម្ភៈ​ ​ការ​ប្រមូលផ្តុំ​តវ៉ា​របស់​ប្រជាជន​មី​យ៉ា​ន់​ម៉ា​បាន​កើតឡើង​មិន​ដាច់​នៅ​តាម​ ​ដង​ផ្លូវ​និង​ទីក្រុង​ធំ​ៗ​នានា​នៅ​ក្នុង​ប្រទេស​មី​យ៉ា​ន់​ម៉ា​ ​ដែល​រួម​មាន​ទីក្រុង​ ណៃពិ​ដរ​ ​យ៉ាង​ហ្គូ​ន​ ​និង​ម៉ាន់​ដា​ឡាយ​ ​។​

​សមាគម​ផ្តល់​ជំនួយ​សម្រាប់​អ្នកទោស​នយោបាយ​ (​Assistance​ ​Association​ ​for​ ​Political Prisoner​s) ​ដែល​បាន​តាមដាន​និង​ធ្វើ​កំណត់​ត្រា​អំពី​ការ​ឃុំ​ខ្លួនមនុស្ស​ចាប់តាំង​ពី​មាន​រដ្ឋប្រហារ​ ​នៅ​ថ្ងៃ​ទី​១​ ​កុម្ភៈ​ ​បាន​ឱ្យ​ដឹង​ថា​ ​មាន​មេ​ដឹកនាំនយោបាយ​ ​សកម្មជន​ ​និង​អ្នក​តវ៉ា​ចំនួន​ ​៤​៩​៥​ ​នាក់​ ​ត្រូវ​បាន​ឃុំ​ខ្លួន​ ​និង​ចោទប្រកាន់​ ​។​ ​ក្នុង​នោះ​មនុស្ស​ ​៣​ ​នាក់​ត្រូវ​បាន​កាត់ទោស​រួចហើយ​ ​ជាប់ពន្ធនាគារ​ពី​ ​៣​ ​ខែ​ទៅដល់​ ​២​ ​ឆ្នាំ​ ​។​

​អ្នក​ដែល​ត្រូវ​របប​យោធា​ចាប់ខ្លួន​រួម​មាន​ទាំង​អ្នក​ចុះ​ផ្លូវ​តវ៉ា​ ​និង​អ្នកធ្វើ​កូដកម្ម​មិន​ចូល​ធ្វើការ​ ងារ​ ​។​ ​ក្នុងចំណោម​នោះ​ ​ក៏មាន​រដ្ឋ​ម​ន្រ្តី​ក្រសួង​បរិស្ថាន​ប្រចាំ​តំបន់​នៅ​ក្នុង​ទីក្រុង​ ​ម៉ាន់​ដា​ឡាយ​ ​៕​
​