មនុស្ស​ ​៥​ ​នាក់​រង​របួស​ដោយ​ការវាយប្រហារ​ចាក់​នឹង​កាំបិត​ នៅ​ណូវែ​ល​ហ្សេ​ឡង់​ ​តែ​មិនទាន់​បញ្ជាក់​ថា ​ជា​អំពើ​ភេរវកម្ម​

​អាជ្ញាធរ​ណូវែ​ល​ហ្សេ​ឡង់​បាន​ឱ្យ​ដឹង​នៅ​ថ្ងៃ​ទី​១​០​ ​ខែ​ឧសភា​ ​នេះ​ថា​ ​បុរស​ម្នាក់​បាន​បើក​ការ​ ​វាយប្រហារ​ចាក់​នឹង​កំា​បិត​ទៅលើ​មនុស្ស​នៅ​ក្នុង​ផ្សារ​ទំនើប​មួយ​កន្លែងនៅ​ទីក្រុង​ ​Dun​e​din​ ​ដែល​បាន​បណ្តាល​ឱ្យ​មនុស្ស​ចំនួន​ ​៥​ ​នាក់​រង​របួស​ ​ក្នុង​នោះ​ ​៣​ ​នាក់​របួសធ្ងន់​ធ្ង​រ​ ​។​

Police officers are observed standing guard outside the main entrance of the Dunedin Central Countdown on 10 May, 2021 in Dunedin, New Zealand. Getty Images

​សារ​ព័ត៌មាន​ CN​A​ ​បាន​ផ្សាយ​ដោយ​ស្រង់​សម្តី​ម​ន្រ្តី​ប៉ូលីស​ណូវែ​ល​ហ្សេ​ឡង់​ដែល​បាន​ឱ្យ​ដឹង​ ​ថា​ ​ជន​សង្ស័យ​នៅ​ក្នុង​ហេតុការណ៍​នេះ​ត្រូវ​បាន​ចាប់​ខ្លូ​ន​បញ្ជូន​ទៅកាន់​មន្ទីរឃុំឃាំង​រួចហើយ​ ​នៅ​ក្រោយពេល​មាន​ការវាយប្រហារ​ ​ដែល​ក្នុងចំណោម​អ្នករបួស​ ​៥​ ​នាក់​នោះ​ ​២​ ​នាក់​គឺជា​ ​បុគ្គលិក​បំរើការ​ងារ​នៅ​ក្នុង​ផ្សារ​ទំនើប​ឈ្មោះ​ ​Count​down​ ​នោះ​តែម្តង​ ​។​

​សាក្សី​នៅកន្លែង​កើតហេតុ​បាន​និយាយ​ថា​ ​មនុស្សម្នា​បាន​ស្រែក​និង​នាំគ្នា​រត់ចេញ​ពី​ហាង​ក្នុង​ ​ពេល​នៃ​ការវាយប្រហារ​ ​។​ ​ក្នុងពេលជាមួយគ្នា​ ​ក៏មាន​អ្នក​ចូល​ទិញ​ទំនិញ​ដែល​ក្លាហាន​ក៏បាន​ ​ធ្វើសកម្មភាព​បញ្ឈប់​ការវាយប្រហារ​របស់​ជន​សង្ស័យ​ផង​ដែរ​ ​។​

​នាយក​រដ្ឋ​ម​ន្រ្តីណូវែ​ល​ហ្សេ​ឡង់​ ​អ្នកស្រី​ J​a​c​in​d​a​ ​Ar​d​e​rn ​និយាយ​ថា​មូលហេតុ​ពិតប្រាកដ​នៅ​ ​ពីក្រោយ​ការវាយប្រហារ​នេះ​ ​មិនទាន់​ត្រូវ​បាន​ដឹង​ច្បាស់​នៅឡើយ​ទេ​ ​ហើយ​ថា​សមត្ថកិច្ច​ ​ក៏​មិនទាន់​មាន​ភស្តុតាង​បញ្ជាក់​ថា​វា​ជា​អំពើ​ភេរវកម្ម​នោះ​ដែរ​ ​។​

​ទោះជាយ៉ាងណាក៏ដោយ​ ​នាយក​រដ្ឋ​ម​ន្រ្តី​ស្រី​រូប​នេះ​ ​បាន​កោតសរសើរ​ចំពោះ​ភាព​ក្លាហាន​ ​របស់​អ្នកទិញ​ទំនិញ​ណូវែ​ល​ហ្សេ​ឡង់​ដែល​បាន​ចូលរួម​ទប់​ស្កាត់​ការវាយប្រហារ​នេះ​ ​។​

​សមត្ថកិច្ច​បញ្ជាក់​ថា​នឹង​បញ្ចេញ​ព័ត៌មាន​លំអិត​ជុំវិញ​ហេតុការណ៍​វាយប្រហារ​នេះ​នៅ​ពេល​ដ៏​ខ្លី​ខាងមុខ​ ​៕​