មនុស្សជា​ង​ ​៥​០​ ​នាក់​បាន​ស្លាប់​ចាប់តាំង​ពី​មាន​រដ្ឋប្រហារ​ នៅ​មី​យ៉ា​ន់​ម៉ា​នៅ​ថ្ងៃ​ទី​ ​១​ ​កុម្ភៈ​

​អង្គការសហប្រជាជាតិ​បាន​អះអាង​ថា​ ​គិត​ត្រឹម​ថ្ងៃ​ទី​៤​ ​ខែ​មីនា​ ​មាន​មនុស្សជា​ង​ ​៥​០​ ​នាក់​ហើយដែល​បាន​បាត់បង់ជីវិត​ ​ចាប់តាំង​ពី​ក្រុម​យោធា​បាន​ធ្វើ​រដ្ឋប្រហារ​ទម្លាក់​រដ្ឋាភិបាល​ ​ដឹកនាំ​ដោយ​គណ​បក្សសម្ព័ន្ធ​ដើម្បី​លទ្ធិប្រជាធិបតេយ្យ​ ​នៅ​ថ្ងៃ​ទី​១​ ​ខែកុម្ភៈ​ ​មក​ ​។​

TOPSHOT – Protesters react after police fired tear gas during a demonstration against the military coup in Mandalay on March 3, 2021. (Photo by STR / AFP)

​អ្នកឃ្លាំមើល​ពិសេស​អង្គការសហប្រជាជាតិ​ទទួលបន្ទុក​សិទ្ធិមនុស្ស​ប្រចាំ​ប្រទេស​មី​យ៉ា​ន់​ម៉ា​ ​អ្នកស្រី​ ​Christ​in​e​ Sc​h​r​an​e​r B​urge​n​e​r ​បាន​ថ្លែងប្រាប់​អ្នក​សារ​កាសែត​ ​ហើយដែល​ត្រូវ​បាន​ ​ទីភ្នាក់ងារ​សារ​ព័ត៌មាន​ ​A​F​P​ ​ស្រង់​សម្តី​ថា​ ​ក្នុងរយៈពេល​តែ​មួយថ្ងៃ​ ​គឺ​នៅ​ថ្ងៃ​ទី​៣​ ​ខែ​មីនា​ ​មាន​មនុស្ស​ស្លាប់​រហូត​ទៅដល់​ ​៣​៨​ ​នាក់​ ​ដែល​បាន​ធ្វើ​ឱ្យ​ចំនួន​អ្នក​ស្លាប់​កើន​ឡើងជា​ង​ ​៥​០​ ​នាក់​ ​និង​ជាច្រើន​នាក់​ផ្សេងទៀត​រង​របួស​ ​។​

​អ្នកស្រី​បញ្ជាក់​ថា​ ​៖​ ​«​ថ្ងៃនេះ​ជា​ថ្ងៃ​បង្ហូរ​ឈាម​បំផុត​ចាប់តាំង​ពី​មាន​រដ្ឋប្រហារ​មក​»​ ​។​

​អ្នកស្រី​បាន​អំពាវនាវ​ឱ្យ​អង្គការ​សហ​ប្រជា​តិ​ចាត់វិធានការ​ធ្ងន់ធ្ងរ​ប្រឆាំង​ទៅ​នឹង​មេដឹកនាំ​របប​ ​យោធា​ ​ដែល​អ្នកស្រី​អះអាង​ថា​ ​នៅ​ក្នុង​កិច្ច​សន្ទនា​ជាមួយ​អ្នកស្រី​ជាមួយ​ពួកគេ​ក្នុង​ពេល​ ​កន្លងទៅ​ ​ក្រុម​មេដឹកនាំ​ ​យោធា​មិនបាន​បង្ហាញ​នូវ​ភាព​ចុះញ៉ម​ទៅ​នឹង​ការ​គំរាមកំហែង​ដាក់​ ​ទណ្ឌកម្ម​នោះ​ទេ​លើ​របប​របស់​ពួកគេ​នោះ​ទេ​ ​។​

​ទោះជាយ៉ាងណា​ ​អ្នកឃ្លាំមើល​សិទ្ធិមនុស្ស​អង្គការសហប្រជាជាតិ​រូប​នេះ​ ​បញ្ជាក់​ថា​ ​អ្នកស្រី​ ​នឹង​ធ្វើការងារ​នេះ​បន្ត​ទៀត​ ​និង​មិន​បោះបង់​ប្រជាជន​មី​យ៉ា​ន់​ម៉ា​ចោល​នោះ​ឡើយ​