ស្រ្តី​អាមេរិកាំង ​ដើមកំណើត​អាស៊ី​ពីរ​នាក់​ រង​ការវាយប្រហារ​ ដោយ​កាំបិត នៅ​ក្រុង​ S​an​ ​Franc​i​s​co​

​ប៉ូលីស​អាមេរិក​កំពុង​តាម​ប្រមាញ់​បុរស​ម្នាក់​ដែល​បាន​ប្រើ​កាំបិត​ចាក់​ទៅលើ​ស្រ្តី​ជនជាតិ​អាមេរិក​ដើមកំណើត​អាស៊ី​ចំនួន​ ​២​ ​នាក់​ ​នៅ​តំបន់​ផ្សារ​មួយ​កន្លែង​ឈ្មោះ​ ​Mid​- ​Market​ ​នៅ​ក្នុង​ទីក្រុង​ S​an​ ​Franc​i​s​co​ ​។​ ​នេះ​បើ​តាម​ការផ្សាយ​របស់​សារ​ព័ត៌មាន​ ​A​P​ ​នៅ​ថ្ងៃ​ទី​៥​ ​ខែ​ឧសភា​ ​នេះ​ ​។​

An anti-Asian violence rally was held in San Francisco in late March after several Asian Americans were attacked recently. File image: Shutterstock

ស្រ្តី​រងគ្រោះ​ទាំងពីរ​នាក់​ត្រូវ​បាន​គេ​បញ្ជូន​ទៅកាន់​មន្ទីរពេទ្យ​ ​ប៉ុន្តែ​ស្ថានភាព​របស់​ពួកគេ​ ​នៅ​មិនទាន់​ដឹង​នៅឡើយ​ទេ​ ​។​

​សាក្សី​ដែល​ឃើញ​ហេតុការណ៍​បាន​និយាយប្រាប់​ទូរ​ទ​ស្ស​ទ​ស្សន៍ K​P​I​X-​T​V​ ​ថា​ ស្រ្តី​ទាំងពីរ​ ​នាក់​នោះ​ ​ម្នាក់​ទំនងជា​មាន​វ័យចាស់​បន្តិច​ ​និង​ម្នាក់ទៀត​មាន​វ័យ​ប្រហែល​ ​៣​០​ ​ឆ្នាំ​ ​។​ ​សាក្សី​ ​និយាយ​ថា​ ​មុន​ពេល​កើតហេតុ​ ​គេ​ឃើញ​បុរស​ម្នាក់​កាន់​កំា​បិត​ដើរសំដៅទៅ​កាន់​ចំណត​ ​រថយន្តក្រុង​ រួ​ចចាក់​ស្រ្តី​ទាំងពីរ​ ​មុននឹង​ដើរ​ចាកចេញ​ទៅ​ ​។​

​ប៉ូលីស​មិនទាន់​បាន​បញ្ជាក់​នៅឡើយ​ទេ​ថា​ ​តើ​ករណី​ចាក់​ដោយ​កាំបិត​នេះ​ ​គឺជា​ទំនាស់​ផ្ទាល់​ ​ខ្លួន​ ​ឬ​ជា​ប្រភេទ​ឧក្រិដ្ឋកម្ម​រើសអើង​ ​ឬ​ស្អប់​ជាតិសាសន៍​ ​។​

​ទោះជាយ៉ាងណាក៏ដោយ​ ​ករណី​ប្រើ​អំពើ​ហិង្សា​ ​និង​បាញ់​ប្រហារ​ទៅលើ​ជនជាតិ​អាមេរិក​ដើម​ ​កំណើត​អាស៊ី​បាន​កើតឡើង​ជាបន្តបន្ទាប់​ក្នុង​មួយរយៈពេល​ចុងក្រោយ​នេះ​ ​។​

​ដោយឡែក​នៅ​ក្នុង​ទីក្រុង​ S​an​ ​Franc​i​s​co​ ​នេះ​ ​កាលពី​ខែ​មីនា​ ​បុរស​ជនជាតិ​វៀតណាម​អាយុ​ ​៨​៣​ ​ឆ្នាំ​ម្នាក់​ត្រូវ​បាន​គេ​វាយ​បណ្តាល​ឱ្យ​ដួល​បាក់​ក​ ​។​ ​ចំណែក​ស្រ្តី​អាយុ​ ​៧​៧​ ​ឆ្នាំ​ម្នាក់​ក៏​ត្រូវ​ ​បាន​វាយប្រហារ​ផង​ដែរ​ ​។​ ​ក្នុង​ករណី​ទាំងពីរ​នេះ​ ​បុរស​ម្នាក់​ត្រូវ​បាន​សមត្ថកិច្ច​ចាប់ខ្លួន​ ​។​

​ចំណែក​កាលពី​ខែកុម្ភៈ​ ​បុរស​អាយុ​ ​៨​៣​ ​ឆ្នាំ​ម្នាក់​ផ្សេងទៀត​ក៏​ត្រូវ​បាន​គេ​រុញ​ដួល​ ​បណ្តាល​ឱ្យ​បាក់​ឆ្អឹងត្រគាក​ ​និង​បាន​សម្រាក​ព្យាបាល​អស់​ជាច្រើន​ស​ប្តាហ៍​នៅ​មន្ទីរ​មន្ទីរពេទ្យ​ ​៕​
​