មេដឹកនាំ​អា​ស៊ាន​បាន​ឯកភាព​គ្នា​ ​៥​ ​ចំណុច​ ​សម្រាប់​ដោះស្រាយ​វិបត្តិនយោបាយ​មី​យ៉ា​ន់​ម៉ា​

ក្រោយ​កិច្ចប្រជុំ​មេដឹកនាំ​អា​ស៊ាន​នៅ​ក្នុង​ទីក្រុង​ហ្សា​កា​តា​ ​ប្រទេស​ឥណ្ឌូ​នេ​ស៊ី​ ​ដោយមាន​ការ​ ​ចូលរួម​ពី​មេដឹកនាំ​របប​យោធា​ ​មីង​ ​អ៊ុង​ ​លាំង​ ​ផង​នោះ​ ​មេដឹកនាំ​អា​ស៊ាន​ ​និង​មេដឹកនាំ​យោធា​ ​បាន​ឯកភាព​គ្នា​ចំនួន​ ​៥​ ​ចំណុច​អំពី​ដំណោះស្រាយនយោបាយ​នៅ​ក្នុង​ប្រទេស​មី​យ៉ា​ន់​ម៉ា​ ​។​

​ការ​ឯកភាព​ទំា​ង​ ​៥​ ​ចំណុច​នោះ​ ​រួម​មាន​ ​៖​

• ​ទី​១​ ​ត្រូវ​បញ្ចប់​ជាបន្ទាន់​នូវ​អំពើ​ហិង្សា​នៅ​ក្នុង​ប្រទេស​មី​យ៉ា​ន់​ម៉ា​ ​ហើយ​គ្រប់​ភាគី​ទាំង​ ​អស់​ត្រូវ​បង្ហាញ​នូវ​ភាព​អត់ធ្មត់​ខ្ពស់​បំផុត​ ​។​
• ទី​២​ ​កិច្ច​សន្ទនា​ប្រកបដោយ​ស្ថាបនា​រវាង​គ្រប់​ភាគី​ពាក់ព័ន្ធ​ទាំងអស់​ត្រូវ​ចាប់ផ្តើម​ដើម្បី​ ​ស្វែងរក​ដំណោះស្រាយ​សន្តិវិធី​សម្រាប់​ជា​ផលប្រយោជន៍​របស់​ប្រជាជន​ ​។​
• ទី​៣​ ​ប្រេសិត​ពិសេស​របស់​ប្រធាន​អា​ស៊ាន​ត្រូវ​សម្របសម្រួល​ឱ្យ​មានការ​សម្រុះ​ ​សម្រួល​ដំណើរ​ការសន្ទនា​ ​ដោយមាន​ការ​ជួយជ្រោមជ្រែង​ពី​អគ្គលេខាធិការ​អា​ស៊ាន​ ​។​
• ទី​៤​ ​អា​ស៊ាន​ត្រូវ​ផ្តល់​ជំនួយ​មនុស្សធម៌​ទៅកាន់​មី​យ៉ា​ន់​ម៉ា​តាមរយៈ​មជ្ឈមណ្ឌល​ ​សម្របសម្រួល​អា​ស៊ាន​សម្រាប់​ជំនួយ​មនុស្សធម៌​ ​។​
• ទី​៥​ ​ប្រេសិត​ពិសេស​ ​និង​ប្រតិភូ​អា​ស៊ាន​ត្រូវធ្វើ​ទស្សនកិច្ច​ទៅកាន់​ប្រទេស​មី​យ៉ា​ន់​ម៉ា​ ​ដើម្បី​ជួប​ជាមួយ​គ្រប់​ភាគី​ពាក់ព័ន្ធ​ទាំងអស់​ ​។​

កិច្ចប្រជុំ​នេះ​ ​ត្រូវ​បាន​ចូលរួម​ដោយ​មេដឹកនាំ​អា​ស៊ាន​ចំនួន​ ​៦​ ​រូប​ ​និង​លោក​ ​មីង​ ​អ៊ុង​ ​លាំង​ ​។​ ​ចំណែក​ប្រទេស​ហ្វីលីពីន​ ​ថៃ​ ​និង​ឡាវ​ ​បាន​បញ្ជូន​រដ្ឋ​ម​ន្រ្តី​ការបរទេស​ទៅ​ចូលរួម​ ​៕​
​