តំបន់&អន្តរជាតិ
ក្រុមប្រទេស G7 ថ្កោលទោសការបង្រ្កាបរបស់យោធាលើអ្នកតវ៉ាភូមា
ក្រុមប្រទេស G7 នៅថ្ងៃទី ២៣ ខែកុម្ភៈ បានថ្កោលទោសរបបយោធាមីយ៉ានម៉ាដែលបានប្រើ អំពើហិង្សាវាយប្រហារបង្រ្កាបទៅលើក្រុមអ្នកតវ៉ា និងបានអំពាវនាវឱ្យរបបយោធាបង្ហាញការ អត់ធ្មត់បំផុត និងគោរពសិទ្ធិមនុស្ស និងច្បាប់អន្តរជាតិ ។ នេះបើតាមសេចក្តីរាយការណ៍របស់ សារព័ត៌មាន AFP ។
ក្រុមប្រទេស G7 គឺជាបណ្តុំប្រទេសចំនួន ៧ ដែលមានសេដ្ឋកិច្ចលូតលាស់ខ្លាំងនៅលើពិភព លោក រួមមាន សហរដ្ឋអាមេរិក កាណាដា បារាំង ចក្រភពអង់គ្លេស អាល្លឺម៉ង់ អ៊ីតាលី និងជប៉ុន ។ G7 បានបញ្ជាក់នៅក្នុងសេចក្តីថ្លែងការណ៍រដ្ឋមន្រ្តីការបរទេសរបស់ខ្លូនថា ការប្រើប្រាស់គ្រាប់រំសេវផ្ទាល់ប្រឆាំងនឹងមនុស្សដែលគ្មានអាវុធ គឺមិនអាចទទួលយកបានទេ ហើយអ្នកដែលឆ្លើយតបនឹងការតវ៉ាដោយសន្តិវិធីជាមួយនឹងអំពើហិង្សាត្រូវតែយកមក ពិចារណា ។
សេចក្តីថ្លែងការណ៍ដដែលបន្តថា ៖ «យើងសូមថ្កោលទោសចំពោះការបំភិតបំភ័យ និងការ គាបសង្កត់ទៅលើអ្នកដែលប្រឆាំងនឹងរដ្ឋប្រហារ ។ យើងព្រួយបារម្ភចំពោះការបង្ក្រាបលើ សេរីភាពនៃការបញ្ចេញមតិ ដែលរួមមានការកាត់ផ្តាច់ប្រព័ន្ធអ៊ីនធឺណិត និងការប្រើប្រាស់ ច្បាប់ដែលគាបសង្កត់ការបញ្ចេញមតិដោយសេរី » ។
ក្រុមប្រទេស G7 បានអំពាវនាវឱ្យរបបយោធាបញ្ឈប់ការកំណត់ផ្ទាំងស៊ីបជាប្រព័ន្ធដើម្បីកំចាត់ ទៅលើក្រុមអ្នកតវ៉ាដោយរួមមានទាំង វេជ្ជបណ្ឌិត សង្គមស៊ីវិល និងអ្នកកាសែត និងបានទទូច ឱ្យក្រុមយោធាលើកចេញវិញការដាក់ប្រទេសឱ្យនៅក្នុងស្ថានភាពអាសន្ន ។
ពួកគេក៏បានទទូចដល់របបយោធាមីយ៉ាន់ម៉ាបើចំហប្រទេសឱ្យមានសកម្មភាពមនុស្សធម៌ ពេញលេញដើម្បីជួយដល់ជនងាយរងគ្រោះបំផុតផងដែរ ។
ចាប់តាំងពីផ្ទុះបាតុកម្មប្រឆាំងរដ្ឋប្រហាររបស់ក្រុមយោធាពីថ្ងៃទី៦ ខែកុម្ភៈ មក មានបាតុករ ចំនួន ៣ នាក់ហើយត្រូវបានកម្លាំងសមត្ថកិច្ចមីយ៉ាន់ម៉ាបាញ់សម្លាប់ ។ ក្នុងពេលជាមួយគ្នា បុរសម្នាក់ដែលដើរល្បាតនៅក្នុងមូលដ្ឋានរបស់គាត់នៅក្នុងទីក្រុងយ៉ាងហ្គូនដើម្បីប្រឆាំងទៅ នឹងការចាប់ខ្លួននៅពេលយប់របស់សមត្ថកិច្ចក៏ត្រូវបានបាញ់សម្លាប់ផងដែរ ។
ក្រុមប្រទេស G7 បានលើកឡើងនៅក្នុងសេចក្តីថ្លែងការណ៍របស់ខ្លួនថា ៖ «យើងនៅតែរួបរួម គ្នាក្នុងការថ្កោលទោសរដ្ឋប្រហារនៅមីយ៉ាន់ម៉ា ។ យើងសូមអំពាវនាវម្តងទៀតឱ្យដោះ លែងជាបន្ទាន់ និងដោយគ្មានលក្ខខណ្ឌ អ្នកដែលត្រូវរបបយោធាបានឃុំឃាំងតាមអំពើចិត្ត រួមទាំងទីប្រឹក្សារដ្ឋ អ្នកស្រី អ៊ុងសាន ស៊ូជី និងប្រធានាធិបតី វីន យីន (Win Myint) និងបន្ត ឈរជាមួយប្រជាជនមីយ៉ាន់ម៉ាក្នុងការស្វែងរកលទ្ធិប្រជាធិបតេយ្យនិងសេរីភាព» ៕
