តំបន់&អន្តរជាតិ
អ៊ីស្រាអែល ចោទប្រកាន់ទូរទស្សន៍រដ្ឋចិន ថា ផ្សព្វផ្សាយប្រឆាំងជនជាតិជ្វីប
ស្ថានទូតអ៊ីស្រាអែលប្រចាំទីក្រុងប៉េកាំង នៅថ្ងៃទី១៩ ខែឧសភា បានចេញមុខចោទប្រកាន់ ទូរទស្សន៍រដ្ឋចិន CGTN អំពីការផ្សព្វផ្សាយដែលអ៊ីស្រាអែលចាត់ទុកថាជាការប្រឆាំងនឹង ជនជាតិជ្វីប នៅក្នុងសេចក្តីរាយការណ៍មួយដែលនិយាយពី គោលនយោបាយរបស់អាមេរិក ចំពោះតំបន់មជ្ឈិមបូព៌ា ។
China’s state broadcaster CCTV news broadcasters read news at a media center during a news conference on the eve of the annual legislature opening session in Beijing on March 4, 2021. Israel’s Embassy in China is protesting what it describes as “blatant anti-Semitism” on a program run by the overseas channel of state broadcaster CCTV discussing the ongoing violence in Gaza and elsewhere. (AP Photo/Andy Wong)
ទីភ្នាក់ងារព័ត៌មានបារាំង AFP បានរាយការណ៍ថា នៅក្នុងការផ្សាយជាភាសាអង់គ្លេសកាល ពីថ្ងៃទី ១៨ ឧសភា អ្នកអត្ថាធិប្បាយនៃទូរទស្សន៍ CGTN បានលើកឡើងនូវចំណុចមួយចំនួន ដែលជាទ្រឹស្តីប្រឆាំងទៅនឹងជនជាតិជ្វីប ក្នុងពេលដែលពិភាក្សាអំពីការគាំទ្ររបស់រដ្ឋាភិបាល អាមេរិកចំពោះប្រទេសអ៊ីស្រាអែល ។
អ្នកកាន់កម្មវិធីកិច្ចពិភាក្សានោះនិយាយថា ក្រុមបញ្ចុះបញ្ចូលដ៏មានអំណាចរបស់ជនជាតិជ្វីប នៅក្នុងសហរដ្ឋអាមេរិកគឺជាអ្នកទទួលខុសត្រូវនៅក្នុងការរៀបចំគោលជំហររបស់អាមេរិកនៅ ក្នុងវិបត្តិតំបន់មជ្ឈិមបូព៌ា ហើយថាជនជាតិជ្វីប ដែលជាជនជាតិអ៊ីស្រាអែល កំពុងគ្របដណ្តប់ ទៅលើវិស័យហិរញ្ញវត្ថុ ប្រព័ន្ធផ្សព្វផ្សាយ និងវិស័យអ៊ីនធឺណិតរបស់សហរដ្ឋអាមេរិក ។
ជាការឆ្លើយតប ស្ថានទូតអ៊ីស្រាអែលប្រចាំទីក្រុងប៉េកាំង បានសម្តែងការស្រងាកចិត្តចំពោះ ការលើកឡើងអំពីការប្រឆាំងទៅនឹងជនជាតិជ្វីបនៅលើប្រព័ន្ធផ្សព្វផ្សាយរបស់រដ្ឋចិន ។ ស្ថាន ទូតអ៊ីស្រាអែលប្រតិកម្មតបថា អ្វីដែលបានលើកឡើងនៅក្នុងប្រព័ន្ធផ្សព្វផ្សាយរដ្ឋចិនគឺជាការ ប្រកាន់ពូជសាសន៍ និងគ្រោះថា្នក់ ដែលប្រព័ន្ធផ្សព្វផ្សាយផ្សេងទៀតមិនគួរធ្វើតាមឡើយ ។
ការផ្សព្វផ្សាយរបស់ទូរទស្សន៍រដ្ឋចិននេះចំពេលដែលអ៊ីស្រាអែល និងក្រុមហាម៉ាសប៉ាឡេ ស្ទីនដែលគ្រប់គ្រងតំបន់កាហ្សាកំពុងផ្លោងគ្រាប់ដាក់គ្នាទៅវិញទៅមក ដែលបណ្តាលឱ្យ ប្រជាជនប៉ាឡេស្ទីនជាង ២០០ នាក់បាត់បង់ជីវិត និងខាងភាគីអ៊ីស្រាអែលចំនួន ១២ នាក់ស្លាប់ ។
កាលពីពេលថ្មីៗនេះ ប្រទេសចិនដែលជាសមាជិកអចិន្រ្តៃយ៍ នៃក្រុមប្រឹក្សាសន្តិសុខអង្គការ សហប្រជាជាតិ និងជាប្រធានប្តូរវេនប្រចាំខែសម្រាប់ខែមិថុនានេះ បានរិះគន់សហរដ្ឋអាមេរិក ដែលបាន រាំងខ្ទប់សេចក្តីថ្លែងការណ៍រួមនៃក្រុមប្រឹក្សាសន្តិសុខអង្គការសហប្រជាជាតិពីអំពើ ហិង្សារវាងអ៊ីស្រាអែល និងប៉ាឡេស្ទីន និងអំពាវនាវឱ្យមានដំណោះស្រាយរដ្ឋពីររវាង អ៊ីស្រាអែល និងប៉ាឡេស្ទីន ។
ប្រទេសចិនបានអំពាវនាវឱ្យមានបទឈប់បាញ់ជាបន្ទាន់រវាងភាគីជំលោះ និងឱ្យអ៊ីស្រាអែល ដកចេញវិញនូវការបិទខ្ទប់តំបន់កាហ្សាឱ្យបានកាន់តែឆាប់ដែលអាចធ្វើទៅបាន ។
ប៉ុន្តែសហរដ្ឋអាមេរិកយល់ថា សេចក្តីថ្លែងការណ៍រួមរបស់ក្រុមប្រឹក្សាសន្តិសុខអង្គការ សហប្រជាជាតិនៅពេលនេះ មិនអាចដោះស្រាយអំពើហិង្សាបាននោះទេ និងស្នើទុកពេលឱ្យ មានដំណោះស្រាយការទូតជាមុនសិន ៕
