អ៊ីស្រាអែល​ ​និង​ប៉ា​ឡេ​ស្ទី​ន​ផ្លោង​គ្រាប់​ដាក់គ្នា​ទៅវិញទៅមក​សម្លាប់​មនុស្សជា​ង​ ​៣​០​ ​នាក់​

​ភាព​តានតឹង​ជាថ្មី​រវាង​អ៊ីស្រាអែល​ ​និង​ប្រជាជន​ប៉ា​ឡេ​ស្ទី​ន​ ​និង​ក្រុម​ហា​ម៉ាស់​ (​Ham​as​) ​នៅ​ ​តំបន់​កា​ហ្សា (​G​a​z​a​) ​ដែល​បិទ​ខ្ទប់​ដោយ​អ៊ីស្រាអែល​ ​បាន​ធ្វើ​ឱ្យ​បាត់បង់ជីវិត​ប្រជាជន​ ​ប៉ា​ឡេ​ស្ទី​ន​ចំនួន​ ​៣​០​ ​នាក់​ ​ប្រជាជន​អ៊ីស្រាអែល​ចំនួន​ ​៣​ ​នាក់​ ​និង​ប្រជាជន​ជាច្រើន​រយ​នាក់​ ​ផ្សេងទៀត​រង​របួស​ទាំងសងខាង​នៅ​ក្នុង​ការ​ប៉ះទង្គិច​តាមរយៈ​ការ​ផ្លោង​គ្រាប់​រ៉ុកកែត​ ​និង​ ​ការវាយប្រហារ​តាម​ផ្លូវអាកាស​លើ​គ្នា​ទៅវិញទៅមក​ផង​ ​និង​អំពើ​ហិង្សា​ដោយ​ផ្ទាល់​ផង​ ​។​

Jewish nationalist demonstrators take cover during a barrage of rockets fired from the Gaza Strip toward central Israel, in the Israeli town of Ramla, Tuesday, May 11, 2021. The protesters had gathered in an attempted show of strength in a predominantly Arab neighborhood. (AP Photo/Heidi Levine)

​ការវាយប្រហារ​គ្នា​បាន​កើតឡើង​ក្រោយ​ពី​ប្រជាជន​ប៉ា​ឡេ​ស្ទី​ន​ ​និង​កងកម្លាំង​ប៉ូលីស​ ​អ៊ីស្រាអែល​ ​បាន​ប៉ះ​ ​ទង្គិច​គ្នា​ដែល​បង្ក​ជា​អំពើ​ហិង្សា​នៅ​ព្រះវិហារ​សាសនា​អ៊ី​ស្លា​ម​មួយ​កន្លែង​ ​ក្នុង​តំបន់​ជេ​រូ​ហ្សេឡឹ​ម​ខាងកើត​ដែល​ប្រជាជន​ប៉ា​ឡេ​ស្ទី​ន​បាន​ចោទប្រកាន់​ជនជាតិ​អ៊ីស្រាអែល​ថា​កំពុង​ធ្វើ​អាណានិគមកិច្ច​នៅ​ទីនោះ​ ​។​

​ជា​ការ​ឆ្លើយតប​ទៅ​នឹង​ការ​ប​ង្រ្កា​ប​របស់​ប៉ូលីស​អ៊ីស្រាអែល​ទៅលើ​ប្រជាជន​ប៉ា​ឡេ​ស្ទី​ន​ ​ក្រុម​ហា​ម៉ា​ស​ដែល​បច្ចុប្បន្ន​កំពុង​គ្រប់គ្រង​នៅ​តំបន់​ ​G​a​z​a​ ​បាន​ដាក់​ឱសានវាទ​ឱ្យ ​អ៊ីស្រាអែល​ដកខ្លួន​ចេញពី​តំបន់​ព្រះវិហារ​ ​បើមិនដូច្នោះទេ​ ​ពួកគេ​នឹង​បើក​ការវាយប្រហារ​ទៅ​ ​លើទឹក​ដី​អ៊ីស្រាអែល​ ​។​

​ដោយ​មិន​ទទួល​បានការ​ឆ្លើយតប​ពី​អ៊ីស្រាអែល​តាម​ការ​ចង់បាន​របស់​ខ្លួន​ ​ក្រុម​ហា​ម៉ាស់​ ​បាន​បាញ់​គ្រាប់​រ៉ុកកែត​ជា​ច្រើនគ្រា​ប់​ចូលក្នុង​ទឹកដី​របស់​អ៊ីស្រាអែល​ ​។​ ​ជា​ការ​ឆ្លើយតប​ ​អ៊ីស្រាអែល​បាន​បើក​ការវាយប្រហារ​តាម​ផ្លូវអាកាស​ទៅលើ​តំបន់​ ​G​a​z​a​ ​វិញ​ ​ដែល​បាន​ ​បណ្តាល​ឱ្យ​ប្រជាជន​ប៉ា​ឡេ​ស្ទី​ន​ចំនួន​ ​៣​០​ ​នាក់​ ​បាត់បង់ជីវិត​ ​ក្នុង​នោះ​ក៏មាន​កុមារ​ ​និង​ស្រ្តី​មួយ​ចំនួន​ផង​ដែរ​។​

​ជា​ការ​ឆ្លើយតប​វិញ​ ​ក្រុម​ហា​ម៉ាស់​បាន​បាញ់​រ៉ុកកែត​ជា​ច្រើនគ្រា​ប់​សំដៅ​ទៅកាន់​ទីក្រុង​ ​តែ​ល​អា​វី​វ​ (​T​e​l​ ​A​v​i​v​) ​ដែល​ជា​ទីក្រុង​សេដ្ឋកិច្ច​របស់​អ៊ីស្រាអែល​ ​។​

​ទីភ្នាក់ងារ​ព័ត៌មាន​បារាំង​ ​A​F​P​ ​បាន​ផ្សាយ​នៅ​ថ្ងៃ​ទី​១​២​ ​ឧសភា​ ​ដោយ​ស្រង់​សំដី​រដ្ឋ​ម​ន្រ្តី​ការ​ ​ពារ​ជាតិ​អ៊ីស្រាអែល​ ​លោក​ ​បេ​ន​នី​ ហ្កាន់ (​Ben​n​y​ ​Gan​t​z​) ​ដែល​បាន​ព្រមាន​ទៅ​ក្រុម​ហា​ម៉ាស់​ថា​ ​ការវាយប្រហារ​តាម​ផ្លូវអាកាស​របស់​អ៊ីស្រាអែល​ទៅលើ​តំបន់​ ​G​a​z​a​ ​គឺ​ទើប​តែ​ជា​ការ​ចាប់​ ​ផ្តើម​ប៉ុណ្ណោះ​ ​។​ ​ចំណែក​មេដឹកនាំ​ហា​ម៉ាស់​ ​លោក​ ​អ៊ី​ស្មា​អិ​ល​ ​ហា​នី​យ៉េ (​I​s​mail​ ​H​an​i​y​e​h​) ​វិញ​ ​បាន​ផ្លោង​សម្តី​ឆ្លើយតបនឹង​អ៊ីស្រាអែល​ដោយ​បង្ហាញ​ការ​ប្តេជ្ញា​ចិត្ត​ថា​ ​ប្រសិនបើ​អ៊ីស្រាអែល​ ​ចង់​ធ្វើ​ស​ង្រ្គា​ម​ ​ពួកគេ​បាន​ត្រៀមលក្ខណៈ​រួចរាល់​ហើយ​ដែរ​នៅ​ក្នុង​ស​ង្រ្គា​ម​នេះ​ ​។​

​ប្រ​សិត​ពិសេស​អង្គការសហប្រជាជាតិ​ដើម្បី​សន្តិភាព​នៅ​តំបន់​មជ្ឈិមបូព៌ា​ ​លោក​ ​ត​រ​ ​វ៉ែន​នេ​ស​ ​ឡែ​ន​ (​To​r ​W​e​nn​e​s​land​) ​បាន​ព្រមាន​ថា​ ​ជម្លោះ​រវាង​អ៊ីស្រាអែល​ ​និង​ក្រុម​ហា​ម៉ាស់​កំពុង​ឆ្ពោះ​ ​ទៅ​រក​ស​ង្រ្គា​ម​ទ្រង់ទ្រាយ​ធំ​រវាង​ភាគី​ទាំងពីរ​ ​។​

​ចំណែក​សហរដ្ឋអាមេរិក​បាន​អំពាវនាវ​ឱ្យ​ភាគី​ទាំងពីរ​បញ្ចៀស​នូវ​ការ​ធ្វើសកម្មភាព​ដែល​ឈាន​ ​ដល់​ការ​បាត់បង់ជីវិត​នៃ​ប្រជា​ជនស៊ីវិល​ ​។​ ​ទោះជាយ៉ាងណា​ ​អ្នកនាំពាក្យ​ក្រសួងការបរទេស​ ​អាមេរិក​ ​លោក​ N​e​d​ ​Price​ ​និយាយ​ថា​ ​អ៊ីស្រាអែល​មាន​សិទ្ធិ​ក្នុង​ការ​ការពារ​ខ្លួនឯង​ ​និង​ថា​ ​សហរដ្ឋអាមេរិក​មិន​ចង់​ឃើញ​នូវ​ការបង្កហេតុ​ណាមួយ​នោះ​ទេ​ ​។​

​ដោយឡែក​ ​ក្រុមប្រឹក្សាសន្តិសុខ​អង្គការសហប្រជាជាតិ​ ​ក៏​គ្រោង​នឹង​បើក​កិច្ចប្រជុំ​បន្ទាន់​មួយ​ ​ក្នុងពេលឆាប់ៗ​ដើម្បី​ពិភាក្សា​អំពី​ជម្លោះ​រវាង​អ៊ីស្រាអែល​ ​និង​ក្រុម​ហា​ម៉ា​ស​នៅ​ពេលនេះ​ ​៕​