នាយក​រដ្ឋ​ម​ន្រ្តី​ជប៉ុន​ នឹង​ជួប​ផ្ទាល់​ជាមួយ​លោក​ ចូ ​បៃ​ដិ​ន​ ​នៅ​ថ្ងៃ​ទី​ ១​៦​ ​ខែ​មេសា​

នាយក​រដ្ឋ​ម​ន្រ្តី​ជប៉ុន​លោក​ ​យូ​ស៊ី​ហ៊ី​ដេ ​សូ​ហ្កា (​Y​os​h​i​hide​ Su​g​a​) ​នឹង​ជួប​ជាមួយ​ប្រធានាធិបតី​ ​អាមេរិក​លោក​ ចូ ​បៃ​ដិ​ន​ ​ដែល​ជា​ជំនួប​ផ្ទាល់​រវាង​លោក​ ​បៃ​ដិ​ន​ ​ជាមួយ​មេដឹកនាំ​បរទេស​ចាប់​ ​តាំងពី​ពេល​លោក​ឡើង​កាន់​តំណែង​ជា​ប្រធានាធិបតី​អាមេរិក​នៅ​ថ្ងៃ​ទី​២​០​ ​ខែ​មករា​ ​។​ ​នេះ​បើ​ ​តាម​ការប្រកាស​របស់​រដ្ឋាភិបាល​ជប៉ុន​ ​រួច​ត្រូវ​បាន​ផ្សព្វផ្សាយ​ដោយ​ទីភ្នាក់ងារ​ព័ត៌មាន​ ​A​F​P​ ​នៅ​ព្រឹក​ថ្ងៃ​ទី​២​ ​ខែ​មេសា​ ​។​

​ដំណើរ​ទស្សនកិច្ច​របស់​លោក​ ​យូ​ស៊ី​ហ៊ី​ដេ ​សូ​ហ្កា ​ទៅកាន់​សហរដ្ឋអាមេរិក​ចំ​ពេល​ដែល​ ​ប្រទេស​ទាំងពីរ​ជប៉ុន​ ​និង​អាមេរិក​សុទ្ធតែ​សម្តែង​ការ​បារម្ភ​អំពី​ឥទ្ធិពល​របស់​មហាអំណាច​ចិន​ ​នៅ​ក្នុង​តំបន់​ ​ដ៏​ដូចជា​ការ​រំលោភបំពាន​សិទ្ធិមនុស្ស​លើ​ជនជាតិ​អ៊ុយ​ហ្គួ​រ​កាន់សាសនា​អ៊ី​ស្លា​ម​ ​នៅ​ក្នុង​ប្រទេស​ចិន​ ​និង​ការ​ប​ង្រ្កា​ប​ដោយ​ទីក្រុង​ប៉េកាំង​ទៅលើ​សេរីភាព​នៅ​ហុងកុង​ ​។​

​ទាក់ទង​នឹង​ដំណើរ​ទស្សនកិច្ច​នេះ​ ​អ្នកនាំពាក្យ​រដ្ឋាភិបាល​ជប៉ុន​លោក​ K​at​sun​obu K​at​o ​លើក​ ​ឡើង​ថា​ ​ប្រទេស​ជប៉ុន​បាន​សម្របសម្រួល​ឱ្យ​មានដំណើរ​ទស្សនកិច្ច​នៅដើម​ខែ​មេសា​ ​ប៉ុន្តែ​ ​ការ​សម្រេច​ចិត្ត​ចុងក្រោយ​គឺ​នៅ​ថ្ងៃ​ទី​១​៦​ ​មេសា​ ​ដើម្បី​អនុ​ញ្ញាតិឱ្យ​ជប៉ុន​រៀបចំ​ឱ្យ​បាន​ត្រឹមត្រូវ​ ​ដើម្បី​ធានា​ថា​ជំនួប​ជាមួយ​ប្រធានាធិបតី​អាមេរិក​ទទួល​បាន​ជោគជ័យ​ ​។​

​កាលពី​ខែ​មីនា​ ​រដ្ឋ​ម​ន្រ្តី​ការបរទេស​អាមេរិក​លោក​ ​Ant​on​y​ ​Blink​e​n ​និង​រដ្ឋ​ម​ន្រ្តី​ការពារ​ជាតិ​ ​អាមេរិក​ ​លោក​ ​L​l​o​y​d​ ​A​us​tin​ ​ក៏បាន​បំពេញ​ទស្សនកិច្ច​មកកាន់​ប្រទេស​ជប៉ុន​ ​ដែល​នៅ​ពេល​ ​នោះ​ពួកគេ​ក៏បាន​រិះគន់​ទៅលើ​ទីក្រុង​ប៉េកាំង​ដែល​ពួកគេ​ចោទ​ថា​កំពុង​ប្រកាន់យក​នូវ​ឥរិយា​ ​បថ​បង្ខិតបង្ខំ​ ​និង​បង្ក​អស្ថិរភាព​ ​។​

​លោក​ K​at​sun​obu K​at​o ​និយាយ​ថា​ដំណើរ​ទស្សនកិច្ច​របស់​លោក​ ​សូ​ហ្កា ​ទៅកាន់​ ​សហរដ្ឋអាមេរិក​គឺជា​ឱកាស​សម្រាប់​ប្រទេស​ទាំង​ពី​​​រ​ក្នុង​ការពិភាក្សា​អំពី​ការ​ពង្រឹង​នូវ​ ​ស​ម្ព័ន្ធ​ភាព​រវាង​ជប៉ុន​និង​អាមេរិក​ ​និង​រឿងរ៉ាវ​មួយ​ចំនួន​ទៀត​រាប់​តាំងពី​ជំងឺរាតត្បាត​កូ​វី​ដ​-​១​៩​ ​រហូតដល់​បញ្ហា​ការ​ប្រែប្រួល​អាកាសធាតុ​ ​។​

​ក្រៅពីនោះ​ ​លោក​ថា​ ​បញ្ហា​ពាក់ព័ន្ធ​នឹង​កូរ៉េ​ខាងជើង​ ​និង​ប្រទេស​ចិន​ប្រហែលជា​អាច​ស្ថិតនៅ​ ​ក្នុង​របៀបវារៈ​នៃ​កិច្ចពិភាក្សា​ផង​ដែរ​ ​។​

​មាន​សេចក្តីរាយការណ៍​ថា​ ​នាយក​រដ្ឋ​ម​ន្រ្តី​ជប៉ុន​លោក​ ​សូ​ហ្កា ​ក៏​នឹង​ប្រើ​ដំណើរ​ទស្សនកិច្ច​នេះ​ ​ដើម្បី​អញ្ជើញ​ប្រធានាធិបតី​អាមេរិក​ ​លោក​ ចូ ​បៃ​ដិ​ន​ ឱ្យ​មក​ចូលរួម​ព្រឹត្តិការណ៍​កីឡា​អូ​ឡាំ​ពិ​ក​ ​ហៅថា​ ​To​k​y​o ​Olympic​s ​ដែល​គ្រោង​នឹង​ចាប់ផ្តើម​ពី​ថ្ងៃ​ទី​២​៣​ ​ខែ​កក្កដា​ ​ឆ្នាំ​ ​២​០​២​១​ ​ក្រោយ​ពី​ ​បាន​ព​ន្យា​ពេល​ប្រារព្ធ​មួយ​ឆ្នាំ​ដោយសារតែ​ជំងឺ​កូ​វី​ដ​-​១​៩​ ​៕​
​