កងទ័ព​កា​រ៉ែ​ន ​វាយ​កាន់កាប់​ប៉ុស្តិ៍​កងទ័ព​របប​យោធា​ នៅ​ប៉ែក​ខាងកើត​ប្រទេស​

កងកម្លាំង​សហភាព​ជាតិ​កា​រ៉ែ​ន​បាន​ប្រកាស​នៅ​ថ្ងៃ​ទី​២​៧​ ​ខែ​មេសា​ ​ថា​ពួកគេ​បាន​វាយ​កាន់​ ​កាប់​ទី​តាំងមូលដ្ឋាន​កងទ័ព​របស់​របប​យោធា​ដែល​ស្ថិតនៅ​ប៉ែក​ខាងកើត​ប្រទេស​មី​យ៉ា​ន់​ម៉ា​ ​ក្បែរ​ព្រំប្រទល់​ជាមួយ​ប្រទេស​ថៃ​ ​។​

Fires burning at a Myanmar military outpost along the bank of the Salween river, as seen from Mae Sam Laep town in Thailand’s Mae Hong Son province, after the outpost was attacked and captured by the Karen National Union on Apr 27, 2021. (Photo: AFP/Kawthoolei Today)

​សារ​ព័ត៌មាន​ R​e​u​t​e​rs ​បាន​ផ្សាយ​ថា​ ​ស្នូរ​កាំភ្លើង​ប្រយុទ្ធ​ទ្រ​ង​ទ្រង់​ធំ​ត្រូវ​បាន​លាន់​ឮ​ឡើង​ ​នៅក្បែរ​ព្រំដែន​ប្រទេស​ថៃ​នៅ​ព្រឹកព្រលឹម​ថ្ងៃ​ទី​២​៧​ ​ខែ​មេសា​ ​ដែល​ភាគច្រើន​ជា​តំបន់​ ​កាន់កាប់​ដោយ​កង​កម្លាំងទ័ព​នៃ​សហភាព​ជាតិ​កា​រ៉ែ​ន​ ​។​

​គេ​សង្កេតឃើញ​ថា​ ​ការ​ប្រយុទ្ធ​គ្នា​រវាង​កង​កម្លាំងទ័ព​កា​រ៉ែ​ន​ជាមួយនឹង​កងទ័ព​នៃ​របប​យោធា​ ​កើតឡើង​តែ​ពីរ​ថ្ងៃ​ប៉ុណ្ណោះ​ក្រោយ​ពី​មាន​កិច្ចប្រជុំ​មេដឹកនាំ​អា​ស៊ាន​នៅ​ក្នុង​ទីក្រុង​ហ្សា​កា​តា​ ​ប្រទេស​ឥណ្ឌូ​នេ​ស៊ី​ ​ដែល​បាន​សម្រេច​រួមគ្នា​ថា​ ​ត្រូវ​បញ្ចប់​ជាបន្ទាន់​នូវ​អំពើ​ហិង្សា​នៅ​ក្នុង​ ​ប្រទេស​មី​យ៉ា​ន់​ម៉ា​ ​។​

​នៅ​មិនទាន់​មានការ​ឆ្លើយតប​យ៉ាងណា​ពី​ភាគី​របប​យោធា​នៅឡើយ​ទេ​ចំពោះ​ការវាយប្រហារ​គ្នា​ជា​ថ្មីទៀត​រវាង​កង​កម្លាំងទ័ព​កា​រ៉ែ​ន​ ​និង​កងទ័ព​របប​យោធា​នៅ​ពេលនេះ​ ​។​

​ទោះជាយ៉ាងណា​ ​អ្នកនាំពាក្យ​ ​និង​ជា​ប្រធាន​ផ្នែក​កិច្ចការ​បរទេស​នៃ​សហភាព​ជាតិ​កា​រ៉ែ​ន​ ​លោក​ ​ប៉ា​ដូ ​ស​ ​ត​ ​នី​ (​Pad​o​h​ ​Saw​ ​T​a​w​ N​e​e​) ​បាន​និយាយប្រាប់​ថា​ ​កងកម្លាំង​របស់​សហភាព​ ​ជាតិ​កា​រ៉ែ​ន​បាន​កាន់កាប់​ទី​តំា​ង​មូលដ្ឋាន​កងទ័ព​របស់​របប​យោធា​នៅ​ព្រឹកព្រលឹម​ថ្ងៃ​ទី​២​៧​ ​ខែ​មេសា​ ​។​

​ម​ន្រ្តី​រូប​នេះ​ ​និយាយ​ថា​ ​ជំរំ​កងទ័ព​របស់​របប​យោធា​ត្រូវ​បាន​កាន់កាប់​ ​និង​ដុត​ក​ម្ទេ​ច​ ​ហើយ​កង​ ​កម្លាំងទ័ព​កា​រ៉ែ​ន​ ​កំពុង​ពិនិត្យមើល​ចំនួន​មនុស្ស​ស្លាប់​ ​។​ ​លោក​ថា​នៅ​ទីតាំង​ផ្សេងទៀត​ក៏​ ​មានការ​ប្រយុទ្ធ​គ្នា​ផង​ដែរ​ ​ប៉ុន្តែ​លោក​មិនបាន​ផ្តល់​ព័ត៌មាន​លំអិត​បន្ថែម​នោះ​ទេ​ ​។​

​កង​កម្លាំងទ័ព​នៃ​សហភាព​ជាតិ​កា​រ៉ែ​ន​បាន​ប្រយុទ្ធ​គ្នា​ជាមួយ​កងទ័ព​នៃ​របប​យោធា​ជាច្រើន​ ​កន្លែង​ចាប់តាំង​ពី​ពេល​ក្រុម​យោធា​បាន​ធ្វើ​រដ្ឋប្រហារ​ទម្លាក់​រដ្ឋាភិបាល​ដឹកនាំ​ដោយ​គណបក្ស​ ​របស់​អ្នកស្រី​ ​អ៊ុង​សាន​ ​ស៊ូ​ជី​ ​ចាប់តាំង​ពី​ថ្ងៃ​ទី​១​ ​ខែកុម្ភៈ​ ​មក​ ​។​ ​សហភាព​ជាតិ​កា​រ៉ែ​ន​ជា​អ្នក​គាំ​ ​ទ្រ​ក្រុម​អ្នក​តវ៉ា​ដែល​ប្រឆាំង​ទៅ​នឹង​របប​យោធា​ ​។​

​ក្រៅពី​សហភាព​ជាតិ​កា​រ៉ែ​ន​ ​ក៏​នៅ​មាន​កងកម្លាំង​នៃ​ក្រុម​ជនជាតិ​ភាគតិច​ជាង​ ​២​០​ ​ទៀត​ក៏បាន​ ​ប្រកាស​គាំទ្រ​អ្នក​តវ៉ា​ប្រឆាំង​នឹង​រដ្ឋប្រហារ​ ​។​

​បើ​តាម​សហភាព​ជាតិ​កា​រ៉ែ​ន​ ​គិត​មកដល់ពេលនេះ​ ​មាន​ប្រជាជន​ប្រមាណ​ ​២​៤​.​០​០​០​ ​នាក់​ ​បាត់​រត់​គេច​ខ្លួន​ពី​ការវាយប្រហារ​តាម​ផ្លូវអាកាស​របស់​កងទ័ព​នៃ​របប​យោធា​ ​។​ ​អ្នក​ទាំងនោះ​ ​ភាគច្រើន​រត់​គេច​ខ្លួន​ចូល​ជ្រកនៅ​ក្នុង​ព្រៃ​ ​៕​