បច្ចុប្បន្នភាព​មី​យ៉ា​ន់​ម៉ា​ ​៖​ ​មនុស្ស​ ​១​៨​៣​ ​នាក់​ស្លាប់​គិត​ត្រឹម​ព្រឹក​ថ្ងៃ​ទី​ ១​៦​ ​មីនា​

គិត​ត្រឹម​ព្រឹក​ថ្ងៃ​ទី ​១​៦​ ​ខែ​មីនា​ ​នេះ​ ​មាន​មនុស្ស​ចំនួន​ ​១​៨​៣​ ​នាក់​ហើយដែល​បាន​ស្លាប់​នៅ​ក្នុង​ ​ការ​ប​ង្រ្កា​ប​ដោយ​របប​យោធា​មី​យ៉ា​ន់​ម៉ា​ទៅលើ​អ្នក​តវ៉ា​ប្រឆាំង​រដ្ឋប្រហារ​ ​ចាប់តាំង​ពី​ថ្ងៃ​ទី​ ១​ ​ខែកុម្ភៈ​ ​មក​ ​។​

​របាយការណ៍​របស់​សមាគម​ផ្តល់​ជំនួយ​ សម្រាប់​អ្នកទោស​នយោបាយ​ (​Assistance​ ​Association​ ​for​ ​Political Prisoner​s ​A​A​P​P​) ​មី​យ៉ា​ន់​ម៉ា​ ​ដែល​បាន​តាមដាន​យ៉ាង​យកចិត្តទុកដាក់​ហេតុការណ៍​ ​ដែល​កំពុង​កើតឡើង​ នៅ​ក្នុង​ប្រទេស​មី​យ៉ា​ន​ម៉ា​ ឱ្យ​ដឹង​ថា​ ​មនុស្ស​យ៉ាងហោចណាស់​ ​២​០​ ​នាក់​ត្រូវ​បាន​សម្លាប់​ នៅ​ក្នុង​ថ្ងៃ​ទី​ ១​៥​ ​ខែ​មីនា​ ​។​

​សមាគម​មួយ​នេះ​ ​សម្តែង​ការ​សោកស្តាយ ​ចំពោះ​ការ​បាត់បង់ជីវិត​របស់​ប្រជាជន​មី​យ៉ា​ន់​ម៉ា​ ​ប៉ុន្តែ​បាន​កោតសរសើរ​ចំពោះ​ស្មារតី​ ​និង​ការ​បូជា​ជីវី​ត​របស់​ប្រជាជន​មី​យ៉ា​ន់​ម៉ា​ ​ដើម្បី​សេរីភាព​ ​សិទ្ធិមនុស្ស​ ​និង​ប្រជាធិបតេយ្យ​នៅ​ក្នុង​ប្រទេស​មួយ​នេះ​ ​។​

​បើ​តាម​ ​A​A​P​P​ ​ដល់​ព្រឹក​ថ្ងៃ​ទី​១​៦​ ​ខែ​មីនា​ ​នេះ​ ​មាន​មនុស្ស​ ​២​១​៧​៥​ ​នាក់​ត្រូវ​បាន​ចាប់ខ្លួន​ ​ក្នុង​នោះ​ ​៣​ ​នាក់​ត្រូវ​បាន​កាត់ទោស​រួចហើយ​ឱ្យ​ជាប់ពន្ធនាគារ​ ​ពី​៣​ខែ​ ​ដល់​ ​២​ ​ឆ្នាំ​ ​៧​៣​ ​នាក់​ ​ត្រូវ​បាន​ចោទប្រកាន់​ដោយមាន​ដីកាចាប់ខ្លួន​ ​និង​ ​៣​១​៩​ ​នាក់​ត្រូវ​បាន​ដោះលែង​វិញ​ ​។​

​ជា​រួម​មាន​មនុស្ស​ ​១​៨​៥​៦​ ​នាក់​កំពុង​ត្រូវ​បាន​ឃុំ​ខ្លួន​ដោយក្រុម​យោធា​ ​គិត​ចាប់តាំង​ពី​ថ្ងៃ​ ​រដ្ឋប្រហារ​ ​នៅ​ថ្ងៃ​ទី​១​ ​ខែកុម្ភៈ​ ​មក​ ​៕​