តំបន់&អន្តរជាតិ
សម្តេច Pope Francis ជំរុញឱ្យបញ្ចប់ អំពើហិង្សានៅតំបន់ Jerusalem ខាងកើត
សម្តេចសង្ឃកាតូលិក ប៉ាប ហ្វ្រង់ស៊ិស (Pope Francis) កាលពីថ្ងៃទី៩ ឧសភា បានអំពាវនាវឱ្យ បញ្ចប់អំពើហិង្សារវាងកងកម្លាំងប៉ូលីសអ៊ីស្រាអែលជាមួយប្រជាជនប៉ាឡេស្ទីននៅក្នុងតំបន់ Jerusalem ខាងកើតដែលអ៊ីស្រាអែលបានភ្ជាប់ធ្វើជាទឹកដីរបស់ខ្លួន ។
Palestinian protesters hurl stones at Israeli security forces amid clashes in Jerusalem’s Old City on May 8, 2021. EMMANUEL DUNAND / AFP
ការប៉ះទង្គិចគ្នានេះបានបណ្តាលឱ្យប្រជាជនប៉ាឡេស្ទីនជាច្រើននាក់រងរបួស ។ នេះបើតាម ការផ្សាយរបស់ទីភា្នក់ងារសារព័ត៌មានបារំាង AFP ។
ភាពតានតឹង និងអំពើហិង្សារវាងប្រជាជនប៉ាឡេស្ទីន និងកងកម្លាំងប៉ូលីសអ៊ីស្រាអែលបាន កើតឡើងខ្លាំងកាលពីថ្ងៃអាទិត្យ ទី៩ ឧសភា នៅក្នុងតំបន់ Jerusalem ខាងកើតក្រោយពីប្រជា ជនប៉ាឡេស្ទីនជាច្រើនរយនាក់បានរងរបួស ។ អំពើហិង្សានេះ កំពុងបង្កឱ្យការបារម្ភជា អន្តរជាតិ និងដែលអាចរីករាលដាលកាន់តែធំធេងថែមទៀត ។
ព្រឹត្តិការណ៍នៅពេលនេះគឺជាការប៉ះទង្គិចគ្នាធ្ងន់ធ្ងន់បំផុតមិនធ្លាប់មានរវាងប្រជាជនប៉ាឡេស្ទីន និងកងកម្លាំងប៉ូលីសអ៊ីស្រាអែលចាប់តាំងពីឆ្នាំ ២០១៧ មក ។ ហេតុការណ៍នេះកើតឡើង ដោយសារការខឹងសម្បាររបស់ប្រជាជនប៉ាឡេស្ទីនចំពោះជនជាតិអ៊ីស្រាអែល
ដែលប៉ាឡេស្ទីនចោទប្រកាន់ថាបានចូលសង់លំនៅឋានទន្រ្ទានលើទឹកដីដែលជាការកាន់កាប់របស់ប៉ាឡេស្ទីននៅក្នុងតំបន់ Jerusalem ខាងកើត ។
សម្តេច ប៉ាប ហ្រ្វង់ស៊ីស មានបន្ទូលថា ព្រះអង្គកំពុងតាមដានដោយការព្រួយបារម្ភចំពោះ ព្រឹត្តិការណ៍ដែលបានកើតឡើងនៅតំបន់ Jerusalem ។ ព្រះអង្គបានសុំបួងសួងឱ្យមានសុខ សន្តិភាពនៅក្នុងតំបន់នោះ ។
ព្រះអង្គបានអំពាវនាវថា «ខ្ញុំសូមអញ្ជើញអ្នករាល់គ្នាស្វែងរកដំណោះស្រាយរួមគ្នាដើម្បីបង្ហាញ ឱ្យឃើញថាអត្តសញ្ញាណពហុសាសនា និងពហុវប្បធម៌ នៃទីក្រុងដ៏បរិសុទ្ធអាចត្រូវបានគេ គោរព និងដើម្បីឱ្យមានភាពរុងរឿង ។ អំពើហិង្សាបង្កើតឱ្យមានអំពើហិង្សា ។ សូមបញ្ឈប់ការ ប៉ះទង្គិចទាំងអស់នេះ» ៕
