តំបន់&អន្តរជាតិ
អាមេរិកថ្កោលទោសវិធានការចិន ដែលធ្វើឱ្យការចូលរួមនយោបាយ នៅហុងកុងថយចុះ
សហរដ្ឋអាមរិកថ្កោលទោសយ៉ាងខ្លាំងទៅលើចំណាត់ការរបស់ទីក្រុងប៉េកាំងដែលធ្វើឱ្យការ ចូលរួម និងភាពជាតំណាងក្នុងវិស័យនយោបាយហុងកុងថយចុះ និងបានសម្តែងការបារម្ភជា ខ្លាំងអំពីការពន្យាពេលការបោះឆ្នោតជាលើកទីរបស់ក្រុមប្រឹក្សានីតិបញ្ញត្តិនៅក្នុងទី ក្រុងសេដ្ឋកិច្ចពិសេសមួយនេះ ។ នេះបើតាមការផ្សាយរបស់សារព័ត៌មាន Reuters នៅថ្ងៃទី៣១ ខែមីនា ។
អ្នកនាំពាក្យក្រសួងការបរទេសអាមេរិក បានថ្លែងប្រាប់សារព័ត៌មាន Reuters ថា សហរដ្ឋ អាមេរិកមានការបារម្ភយ៉ាងខ្លាំងអំពីការកែប្រែប្រព័ន្ធបោះឆ្នោតនៅទីក្រុងហុងកុងដោយទី ក្រុងប៉េកាំង ដែលចាត់ទុកជាការបំពានដល់ឆន្ទៈរបស់ប្រជាជនហុងកុង និងសំឡេងរបស់ របស់ប្រជាជនហុងកុងក្នុងការ ជ្រើសរើសអភិបាលកិច្ចដោយខ្លួនឯងសម្រាប់ទីក្រុងស្វយ័ត មួយនេះ ។
សភាប្រជាជនចិនកាលពីថ្ងៃទី៣០ ខែមីនា បានបោះឆ្នោតអនុម័តលើផែនការកំណែទម្រង់ប្រ ព័ន្ធបោះឆ្នោតក្នុងទីក្រុងហុងកុង ។ តាមរយៈកំណែទម្រង់នេះ គណៈកម្មាធិការរៀបចំការបោះ ឆ្នោតហុងកុង នឹងមានសិទ្ធិតែងតាំងអ្នកតំណាងរាស្ត្រចំនួន ៤០ រូប នៃសភាជាតិហុងកុង ហើយចំនួនតំណាងរាស្ត្រដែលត្រូវបានជ្រើសរើសដោយផ្ទាល់ នឹងត្រូវកាត់បន្ថយពី ៣៥ រូប មកនៅត្រឹមតែ ២០ រូប ខណៈចំនួនតំណាងរាស្ត្រនឹងត្រូវបង្កើនពី ៧០ រូប ដែលមានក្នុងពេល បច្ចុប្បន្នឱ្យដល់ ៩០ រូប ។
វិធានការថ្មីរបស់ទីក្រុងហុងកុងនេះ ត្រូវបានគេមើលឃើញថាគឺជាការខិតខំរបស់ទីក្រុង ប៉េកាំងនៅក្នុងការបង្កើនអំណាចរបស់ខ្លួនក្រោយពីទីក្រុងប៉េកាំងបានដាក់ឱ្យប្រើច្បាប់ សន្តិសុខជាតិនៅក្នុងទីក្រុងស្វយ័តហុងកុងកាលពីខែមិថុនា ឆ្នាំ ២០២០ ។
ចក្រភពអង់គ្លេសដែលជាអតីតអាណានិគមរបស់ហុងកុង និយាយថា ការផ្លាស់ប្តូរប្រព័ន្ធបោះ ឆ្នោតនៅហុងកុងនៅពេលនេះ គឺជាការរំលោភលើសេចក្តីប្រកាសរួមឆ្នាំ ១៩៨៤ ដែលត្រូវបាន ចុះហត្ថលេខាដោយអតីតនាយករដ្ឋមន្រ្តីអង់គ្លេស អ្នកស្រី ម៉ាហ្ការ៉េត ថាច់ឈើ (Margaret Thatcher) និងនាយករដ្ឋមន្រ្តីចិន លោក សាវ ស៊ីយ៉ាង (Zhao Ziyang) ដែលបញ្ជាក់ថា ស្វ័យភាពរបស់ហុងកុងគឺត្រូវបានធានាដោយកិច្ចព្រមព្រៀង «ប្រទេសមួយ ប្រព័ន្ធពីរ» ។
សហរដ្ឋអាមេរិកនិយាយថា ទីក្រុងប៉េកាំងត្រូវតែគោរពកាតព្វកិច្ចជាអន្តរជាតិក្រោមសេចក្តី ប្រកាសរួមនេះ ។
អភិបាលក្រុងហុងកុងអ្នកស្រី ការី ឡាំ (Carrie Lam) និយាយថា ផែនការកំណែទម្រង់បោះ ឆ្នោតថ្មីនេះ នឹងត្រូវដាក់ជូនក្រុមប្រឹក្សានីតិបញ្ញតិ្តនៅមុនពាក់កណ្តាលខែមេសា ហើយរំពឹងថា នឹងត្រូវបានបោះឆ្នោតអនុម័តនៅចុងខែឧសភា ។
អ្នកស្រី ការី ឡាំ ក៏ឱ្យដឹងដែរថា ការបោះឆ្នោតក្រុមប្រឹក្សាបញ្ញតិ្តដែលគ្រោងធ្វើនៅខែកញ្ញា នឹងត្រូវលើកទៅធ្វើនៅក្នុងខែធ្នូ វិញ ។ សហរដ្ឋអាមេរិកក៏បានសម្តែងការបារម្ភពីការលើក ពេលសម្រាប់ការបោះឆ្នោតនេះជាលើកទីពីរផងដែរ ។ ប៉ុន្តែហុងកុងថាការលើកពេលនេះ ដោយសារបញ្ហាជំងឺកូវីដ-១៩ ។
សហរដ្ឋអាមេរិកបានដាក់ទណ្ឌកម្មលើមន្រ្តីចិនជុំវិញការបង្ក្រាបលទ្ធិប្រជាធិបតេយ្យនៅហុង កុង និងបានប្រកាសបញ្ឈប់ផ្តល់ឱ្យហុងកុងនូវប្រព័ន្ធអនុគ្រោះសេដ្ឋកិច្ចពិសេសដែលទីក្រុង នេះបានទទួលជាយូរមកហើយក្រោមច្បាប់របស់សហរដ្ឋអាមេរិក ៕
